Pomegranate : नुकसानग्रस्त डाळिंब उत्पादकांना मदत द्यावी

डाळिंबावरील मोठ्या प्रमाणात खोडकिडीचा प्रादुर्भाव झाल्याने सोलापूरसह महाराष्ट्रातील अधिक प्रमाणात उत्पादित होणाऱ्या हजारो हेक्टर डाळिंब पिकाचे नुकसान झाले.
Pomegranate
Pomegranate Agrowon

सोलापूर ः डाळिंबावरील (Pest On Pomegranate) मोठ्या प्रमाणात खोडकिडीचा प्रादुर्भाव झाल्याने सोलापूरसह महाराष्ट्रातील अधिक प्रमाणात उत्पादित (Pomegranate Production) होणाऱ्या हजारो हेक्टर डाळिंब पिकाचे नुकसान (Pomegranate Damage) झाले. त्यावर केंद्रीय कृषिमंत्री यांनी नेमलेल्या समितीवर लवकर निर्णय घेऊन अधिकाधिक मदत जाहीर करण्याची मागणी खासदार डॉ. जयसिद्धेश्‍वर महास्वामी यांनी संसदेच्या अधिवेशनात केली.

सोलापूरसह संपूर्ण महाराष्ट्रात डाळिंबावर शॉट होल बोररमुळे किडीच्या प्रादुर्भावामुळे हजारो हेक्टर डाळिंबाचे नुकसान झाले. सुमारे ७० हजार हेक्‍टर डाळिंबाच्या पिकांना किडीचा प्रादुर्भाव झाला आहे, असे या आधीच खा. डॉ. विकास महात्मे, कृषिभूषण अंकुश पडवळे यांनी केंद्रीय कृषिमंत्री नरेंद्रसिंह तोमर यांच्या निदर्शनास आणून दिले होते.

Pomegranate
Pomegranate : आंबिया बहराच्या डाळिंब बागेतील व्यवस्थापन

या प्रभावित, नुकसानग्रस्त शेतकऱ्यांना मदत करण्यासाठी केंद्रीय कृषिमंत्री तोमर यांनी फेब्रुवारीमध्ये तातडीने समितीही स्थापन केली. या समितीने सोलापूर जिल्ह्याचा डाळिंबाचा प्रश्‍न सोडविण्यासाठी सोलापूरच्या डाळिंब शेतीला प्रत्यक्ष भेट दिली. या परिस्थितीचा सविस्तर अहवाल संशोधन केंद्राच्या फलोत्पादन विभागाकडे सुपूर्द करण्यात आला आहे. पण पुढे काहीच झालेले नाही. यामध्ये सध्या डाळिंब उत्पादक शेतकर्‍यांचे मोठे नुकसान झाले आहे. शेतकऱ्यांना दिलासा व मदत मिळण्यासाठी स्थापन समितीच्या अहवालानुसार योग्य ती कार्यवाही करून मदत जाहीर करण्यात यावी, असेही खासदार डॉ. महास्वामींनी या वेळी बोलताना सांगितले.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com