Mobile Addiction : किशोरवयीन मुलांना मोबाईल वापराची बंदी

ग्राम विकासासोबतच समाज तंदुरुस्त राहण्यासाठी काही ग्रामपंचायती ग्रामसभेत आगळेवेगळे ठराव घेत अंमलबजावणी करतात.
Mobile Addiction
Mobile Addiction Agrowon

पुसद, जि. यवतमाळ : ग्राम विकासासोबतच समाज तंदुरुस्त राहण्यासाठी काही ग्रामपंचायती (Gram Panchayat) ग्रामसभेत आगळेवेगळे ठराव घेत अंमलबजावणी करतात. पुसद तालुक्यातील बांशी ग्रामसभेने असाच एक वेगळा प्रयोग केला आहे. किशोरावस्थेतील नवीन पिढी मोबाईलच्या (Mobile) आहारी गेली आहे. त्याचे अनिष्ट परिणाम रोखण्यासाठी बांशी ग्रामसभेत १८ वर्षांखालील मुला-मुलींना मोबाईल वापरण्याची बंदी घातली आहे.

Mobile Addiction
Mobile Van Hospital साठी Fund from Center कडून जमा|Mobile Van Hospital |Agrowon

पुसद तालुक्यातील साग जंगलाला लागून असलेल्या बांशी गावात शुक्रवारी (ता.११) ग्रामसभा झाली. या ग्रामसभेत काही महत्त्वपूर्ण निर्णय घेण्यात आले. त्यामध्ये १८ वर्षांखालील मुलांना मोबाईल बंदी करण्याचा ठराव सर्वानुमते मंजूर करण्यात आला. याशिवाय शंभर टक्के कर भरणाऱ्या नागरिकांसाठी पंतप्रधान सुरक्षा विमा योजना लागू करणे, तसेच निराधार लोकांसाठी वृद्धाश्रम ही संकल्पना राबविण्याचा निर्णय घेण्यात आला. हे तीनही ऐतिहासिक निर्णय ग्रामसभेने घेऊन समाजासमोर एक आदर्श निर्माण केला आहे.

माजी मुख्यमंत्री वसंतराव नाईक यांच्या गहुली गावाला बांशी, चोंढी या गावावरून जावे लागते. एकेकाळी गहूली आदर्श ग्राम होते. नंतर चोंढीनेही ग्रामविकास पुरस्कार मिळवला. आता बांशीने मोबाईल बंदीचा आगळावेगळा निर्णय घेऊन तरुणाईला चांगले वळण लावण्याचा प्रयत्न केला आहे.

कोरोनाच्या काळात ऑनलाइन शिक्षणासाठी किशोरवयीन मुलांच्या हाती मोबाईल आले खरे, मात्र त्याचा फायदा होण्याऐवजी बरेचदा वाईट परिणाम दिसून आले. मात्र आता मुलांच्या हाती कोणीही पालक मोबाईल देणार नाही. या ठरावाची अंमलबजावणी काटेकोरपणे करण्याचे ग्रामस्थांनी ठरविले आहे.

Mobile Addiction
Mobile Invitation : निमंत्रण पाठवा मोबाईलवरच

या ग्रामसभेच्या अध्यक्षस्थानी सरपंच गजानन टाले होते. उपसरपंच रेखा राठोड, सचिव पी. आर. आडे, ग्रामपंचायत सदस्य संतोष आगलावे, अभय ढोणे, माधव डोंगरे, इंदू तांबारे, शोभा आगलावे, मंगल शर्मा, सुनीता लथाड, पंकज बुरकुले, मुख्याध्यापक यशवंत देशमुख आदी उपस्थित होते.

गावातील शाळकरी मुलांना मोबाईलचे व्यसन जडले आहे. विद्यार्थ्यांचे नुकसान टाळण्यासाठी मोबाईल बंदीचा निर्णय घेतला आहे. अंमलबजावणी करताना अडचणी येतील. मात्र समुपदेशनातून या अडचणी दूर करू. प्रसंगी दंड व टॅक्स लावावा लागेल. परंतु ग्रामस्थांचा या निर्णयाला एकमुखी पाठिंबा आहे.

- गजानन टाले, सरपंच, बांशी, ता. पुसद

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com