Cotton Market : बारामती बाजार समितीत कापूस खरेदी-विक्रीस प्रारंभ

येथील कृषी उत्पन्न बाजार समितीत बुधवारी (ता. २) उघड लिलाव पद्धतीने कापूस खरेदी-विक्री सुरू झाली.
Cotton Market
Cotton MarketAgrowon

बारामती : येथील कृषी उत्पन्न बाजार समितीत (Baramati Bazar Samiti) बुधवारी (ता. २) उघड लिलाव पद्धतीने कापूस खरेदी-विक्री सुरू झाली. बारामती मर्चंट असोसिएशनचे माजी अध्यक्ष जवाहर वाघोलीकर व बारामती सहकारी बँकेचे अध्यक्ष सचिन सातव, प्रशासक मिलिंद टांकसाळे यांच्या हस्ते या खरेदी-विक्रीस प्रारंभ झाला.

‘‘बारामती बाजार समितीची ओळख कॉटन मार्केट (Cotton Market) म्हणून होती. येथे दीड लाख क्विंटल आवक होत होती. आता पुन्हा ३५ वर्षांनंतर परत कापसाचे लिलाव होत असल्याने याचा आनंद होत आहे,’’ अशी भावना वाघोलीकर यांनी व्यक्त केली.

वाघोलीकर म्हणाले, ‘‘भविष्यात येथे कापसाची मोठी आवक होईल. कॉटन मार्केट म्हणून बारामती बाजारपेठ विकसित होईल. पूर्वीप्रमाणे तालुक्यातील इतर संस्थांनी जिनिंग उभारून सहभाग घ्यावा. त्यामुळे कापसाला चांगले दिवस येतील.’’ पहिल्या दिवशी कापसाची ३० क्विंटल आवक होऊन ८९०१ रुपये प्रतिक्विंटल दर मिळाला. सरासरी ७५०० रुपये दर निघाला. कापसाचे लिलाव दर बुधवारी व शनिवारी होतील.

Cotton Market
co-operative milk unions : सहकारी दूध संघांतील भ्रष्टाचाराची चौकशी करा

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com