राज्यात वादळी पावसाची शक्यता

पूर्वमोसमी पावसाला पोषक हवामान असल्याने आजपासून (ता. ३०) तळ कोकण, दक्षिण मध्य महाराष्ट्र, मराठवाडा, पूर्व विदर्भात वादळी पावसाची शक्यता हवामान विभागाने वर्तविली आहे.
Heavy Rains
Heavy RainsAgrowon

पुणे : नैऋत्य मोसमी वारे (मॉन्सून) केरळमध्ये दाखल झाला आहे. यातच राज्यात पूर्वमोसमी पावसाला पोषक हवामान झाले आहे. तापमानात चढ-उतार सुरू असून, उकाडाही वाढला आहे. आजपासून (ता. ३०) राज्यात वादळी वारे, मेघगर्जना, विजांसह पावसाची शक्यता हवामान विभागाने वर्तविली आहे.

रविवारी (ता. २९) सकाळपर्यंतच्या २४ तासांमध्ये चंद्रपूर येथे ४४ अंश सेल्सिअस तापमानाची नोंद झाली. उर्वरित राज्यातही कमाल तापमानात वाढ, घट होत आहे. कोकणात कमाल तापमान ३३ ते ३५ अंश, मध्य महाराष्ट्रात २८ ते ३९ अंश, मराठवाड्यात ३८ ते ४० तर विदर्भात ३९ ते ४४ अंशांच्या दरम्यान आहे.

केरळ आणि परिसरावर चक्राकार वाऱ्यांची स्थिती आहे. वायव्य राजस्थानपासून आसामपर्यंत हवेचा कमी दाबाचा पट्टा सक्रिय आहे. पूर्वमोसमी पावसाला पोषक हवामान असल्याने आजपासून (ता. ३०) तळ कोकण, दक्षिण मध्य महाराष्ट्र, मराठवाडा, पूर्व विदर्भात वादळी पावसाची शक्यता हवामान विभागाने वर्तविली आहे.

रविवारी (ता. २९) सकाळपर्यंतच्या २४ तासांमध्ये राज्यात विविध ठिकाणी नोंदले गेलेले कमाल तापमान (अंश सेल्सिअसमध्ये) : पुणे ३४.४, धुळे ४०, जळगाव ४०, कोल्हापूर ३३.८, महाबळेश्‍वर २७.६, नाशिक ३४.२, निफाड ३५, सांगली ३५.२, सातारा ३४.१, सोलापूर ३८.२, सांताक्रूझ ३४.८, रत्नागिरी ३३.२, औरंगाबाद ३८, परभणी ३९.४, नांदेड ४०.२, अकोला ४०.९, अमरावती ४०.६, बुलडाणा ३९, ब्रह्मपुरी ४१.८, चंद्रपूर ४४, गोंदिया ४१.२, नागपूर ४२, वर्धा ४१.८, यवतमाळ ४०.७.

वादळी पावसाचा इशारा :

कोकण : रत्नागिरी, सिंधुदुर्ग.

मध्य महाराष्ट्र : सातारा, सांगली, सोलापूर, कोल्हापूर.

मध्य प्रदेश : उस्मानाबाद, लातूर, परभणी, नांदेड, हिंगोली.

विदर्भ : नागपूर, भंडारा, चंद्रपूर, गडचिरोली.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com