Weather Upadte : उत्तर महाराष्ट्रात गारठा वाढला

धुळे कृषी महाविद्यालयात तापमान १०.५ अंशांवर
Weather Upadte
Weather UpadteAgrowon

पुणे : राज्यात थंडीचा हंगाम (Cold Season) सुरू झाला आहे. किमान तापमानाचा (Minimum Temprature) पारा घसरल्याने उत्तर महाराष्ट्रात गारठा वाढला आहे. मंगळवारी (ता. १) सकाळपर्यंतच्या २४ तासांमध्ये धुळे येथील कृषी महाविद्यालय येथे राज्यातील यंदाच्या हंगामातील नीचांकी १०.५ अंश सेल्सिअस तापमानाची नोंद झाली. आज (ता. २) राज्यात निरभ्र आकाशासह कोरडे हवामान (Dry Weather) राहण्याचा अंदाज हवामान विभागाने वर्तविला आहे.

Weather Upadte
Cotton Rate : कापूस कधीपर्यंत दबावात असेल?

पुणे : राज्यात थंडीचा हंगाम सुरू झाला आहे. किमान तापमानाचा पारा घसरल्याने उत्तर महाराष्ट्रात गारठा वाढला आहे. मंगळवारी (ता. १) सकाळपर्यंतच्या २४ तासांमध्ये धुळे येथील कृषी महाविद्यालय येथे राज्यातील यंदाच्या हंगामातील नीचांकी १०.५ अंश सेल्सिअस तापमानाची नोंद झाली. आज (ता. २) राज्यात निरभ्र आकाशासह कोरडे हवामान राहण्याचा अंदाज हवामान विभागाने वर्तविला आहे.

मॉन्सून देशभरातून परतताच उत्तरेकडून थंड व कोरडे वारे महाराष्ट्राकडे येऊ लागले आहे. या वाऱ्यांमुळे राज्यात गारठा वाढू लागला आहे. रात्रीपासूनच किमान तापमानात घट होत असून, पहाटे गारठा चांगलाच जाणवू लागला आहे. दिवसभर निरभ्र आकाश व जोरदार वारे वाहत असल्याने कमाल तापमानात मात्र चढ-उतार सुरूच आहेत.

Weather Upadte
Maize Rate : मका दरातील तेजी टिकेल का? | Agrowon

मंगळवारी (ता. १) सकाळपर्यंतच्या २४ तासांमध्ये कोकणात किमान तापमान २० ते २४ अंशांच्या आसपास होते. तर उर्वरित राज्यात अनेक ठिकाणी किमान तापमान १६ अंशांच्या खाली घसरल्याचे चित्र आहे. उत्तर महाराष्ट्रातील धुळे येथे १०.५ अंश, निफाड येथे ११.४ अंश, तर परभणी येथील वसंतराव नाईक मराठवाडा कृषी विद्यापीठात ११.४ अंश सेल्सिअस तापमानाची नोंद झाली आहे. नाशिक, औरंगाबाद येथेही तापमानात घट झाली आहे. तर राज्याचे कमाल तापमान २९ ते ३५ अंशांच्या दरम्यान टिकून आहे.

मंगळवारी (ता. १) सकाळपर्यंतच्या २४ तासांमध्ये राज्यात विविध ठिकाणी नोंदले गेलेले कमाल तापमान, कंसात किमान तापमान (अंश सेल्सिअसमध्ये) : पुणे ३० (१३.३), जळगाव ३२.४ (१३.७), धुळे ३१ (१०.५), कोल्हापूर ३१.१ (१७.७), महाबळेश्‍वर २५.६(१३.५), नाशिक २९.५ (१२.६), निफाड २९ (११.४), सांगली ३१.६(-), सातारा २९.६ (१४.४), सोलापूर ३२ (१६.७), सांताक्रूझ ३४.५ (२०.६), डहाणू ३३.९ (१९), रत्नागिरी ३५ (२०.५), औरंगाबाद २९.७ (१२.५), नांदेड ३१.४ (१६.४), उस्मानाबाद - (१३.८), परभणी ३० (१४.४), अकोला ३१.५ (१६.०), अमरावती ३१.६ (१५.१), बुलडाणा - (१५.६), ब्रह्मपुरी ३१.६ (१७.३), चंद्रपूर ३१.४ (१७.४), गडचिरोली ३१ (१६.६), गोंदिया २९.२ (१५.२), नागपूर २९.८ (१५.६), वर्धा २९.९(१५.८), वाशीम ३०.६ (१६.८), यवतमाळ ३०.५ (१४.०).

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com