Cold Weather : गारठा कायम राहण्याचा अंदाज

उत्तरेकडील थंड वारे महाराष्ट्राकडे आल्याने उत्तर महाराष्ट्रासह, मराठवाडा, विदर्भात थंडीची लाट आली होती. राज्यातील लाट काहीशी कमी झाल्याचे दिसून आले आहे.
Cold Weather
Cold WeatherAgrowon

पुणे : राज्याच्या किमान तापमानात (Minimum Temperature) चढ - उतार होत असला तरी हुडहुडी (Cold) कायम आहे. उत्तर महाराष्ट्रातील निफाड येथील गहू संशोधन केंद्रात राज्याचे हंगामातील नीचांकी ६.३ अंश सेल्सिअस तापमानाची नोंद झाली. आज (ता. १३) उत्तर महाराष्ट्र, मराठवाडा आणि विदर्भात गारठा (Cold Weather) कायम राहण्याचा अंदाज हवामान विभागाने वर्तविला आहे.

Cold Weather
Cloudy Weather : ढगाळ वातावरण, धुक्यामुळे हरभरा पिकाला फटका

उत्तरेकडील थंड वारे महाराष्ट्राकडे आल्याने उत्तर महाराष्ट्रासह, मराठवाडा, विदर्भात थंडीची लाट आली होती. राज्यातील लाट काहीशी कमी झाल्याचे दिसून आले आहे.

बुधवारी (ता. ११) निफाडसह, धुळे, जळगाव, पुणे, औरंगाबाद, नाशिक, गोंदिया, गडचिरोली येथे किमान तापमानाचा पारा १० अंशांच्या खाली होता. तर कोकण वगळता जवळपास सर्वच ठिकाणी किमान तापमान १२ अंशांच्या खाली होते.

Cold Weather
Cold Weather : उत्तरेकडील थंड वाऱ्यामुळे हुडहुडी

एकामागोमाग येणाऱ्या पश्चिमी चक्रावतांमुळे हिमालय पर्वत आणि लगतच्या भागात हिमवृष्टी सुरूच आहे. उत्तर भारतात थंडीची लाट कमी-अधिक होत आहे. बुधवारी (ता. ११) राजस्थानातील अलवार येथे देशाच्या सपाट भूभागावरील नीचांकी ४.२ अंश सेल्सिअस तापमानाची नोंद झाली.

Cold Weather
Cold Weather : उत्तरेकडील थंड वाऱ्यामुळे हुडहुडी

आज (ता. १२) उत्तर प्रदेश, बिहार, पश्चिम बंगालचा हिमालयीन भाग, आसाम, त्रिपुरा राज्यात दाट धुके पडण्याचा अंदाज आहे. दरम्यान दक्षिण भारतातील राज्यातील ईशान्य मोसमी वाऱ्यांच्या हंगाम आज (ता. १२) समाप्त होण्याची शक्यता आहे.

बुधवारी (ता. ११) सकाळपर्यंतच्या २४ तासांमध्ये राज्यात विविध ठिकाणी नोंदले गेलेले कमाल तापमान, कंसात किमान तापमान (अंश सेल्सिअस मध्ये) :

पुणे ३०.१ (८.१), जळगाव ३०.६ (७.५), धुळे २८.५ (६.४), कोल्हापूर ३०.५ (१४.७), महाबळेश्वर २८.६(१३.६), नाशिक २९.४ (९.०), निफाड २९.५ (६.३), सांगली ३१.६ (१२.४), सातारा ३१.५(१०.१), सोलापूर ३३.७ (१३.७), सांताक्रूझ ३३.५ (१७.०), अलिबाग ३२.२ (१५.०), डहाणू २९.६ (१५.८), रत्नागिरी ३४.४ (१६.१),

औरंगाबाद ३०.४ (८.२), नांदेड - (१२.०), परभणी ३०.३ (११.०), अकोला ३२.९ (११.६), अमरावती २९.४ (११.३), बुलढाणा २९.० (१२.०), ब्रह्मपूरी ३१.८ (१२.१), चंद्रपूर २८.८ (१२.०), गडचिरोली २९.२(९.८), गोंदिया २९.८(९.४), नागपूर ३०.७ (१०.१), वर्धा ३१.५(११.४), वाशीम ३२.२ (१२.४), यवतमाळ ३०.७ (१२.०).

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com