Cold Weather Update : राज्यात थंडीची चाहूल

पुणे : राज्याच्या कमाल आणि किमान तापमानात (Temperature) चढ-उतार सुरू आहे. गेल्या काही दिवसांपासून किमान तापमानात घट झाल्याने पहाटे गारठा (Cold Weather) वाढला असून, दुपारी उन्हाचा चटका (Heat) जाणवत आहे. शुक्रवारी (ता. २८) सकाळपर्यंतच्या २४ तासांमध्ये औरंगाबाद येथे राज्यातील नीचांकी १३.२ अंश सेल्सिअस तापमानाची नोंद झाल्याचे हवामान विभागातर्फे सांगण्यात आले.

नैॡत्य बंगालच्या उपसागरात तमिळनाडूच्या उत्तर किनाऱ्यालगत समुद्र सपाटीपासून ३.१ किलोमीटर उंचीवर चक्राकार वारे वाहत आहेत. तर ईशान्येकडील वारे सक्रिय होण्याची शक्यता असल्याने आजपासून (ता. २९) दक्षिण भारतातील राज्यांमध्ये ईशान्य मोसमी वाऱ्यांच्या (ईशान्य मॉन्सून) पावसाला सुरुवात होण्याची शक्यता आहे.

उत्तरेकडून वाहणाऱ्या थंड व कोरड्या वाऱ्यांमुळे राज्याच्या किमान तापमानात घट होत आहे. तर दिवसा असलेल्या स्वच्छ सूर्यप्रकाश जमिनीवर येत असल्याने उन्हाचा चटका वाढून कमाल तापमानात वाढ झाली. रात्री अनेक ठिकाणी दव पडत असल्याचे पहावयास मिळत आहे. शुक्रवारी (ता. २८) सकाळपर्यंतच्या २४ तासांमध्ये कोकण वगळता राज्यात बहुतांशी ठिकाणी किमान तापमान २० अंशांच्या खाली होते. तर कमाल तापमान २९ ते ३५ अंशांच्या आसपास होते.

शुक्रवारी (ता. २८) सकाळपर्यंतच्या २४ तासांमध्ये राज्यात विविध ठिकाणी नोंदले गेलेले कमाल तापमान, कंसात किमान तापमान (अंश सेल्सिअसमध्ये) : ़पुणे २९.८ (१३.८), जळगाव ३३.८(१४.३), कोल्हापूर ३०.७ (१७.८), महाबळेश्वर २५.३(१३.६), नाशिक २९.७ (१५.३), सांगली ३१.४(१६.५), सातारा ३०.०(१४.८), सोलापूर ३२.१ (१७.१), सांताक्रूझ ३४.५(२१.८), डहाणू ३३.६ (२१.१), रत्नागिरी ३४.५ (२०.६), औरंगाबाद ३०.४ (१३.२), नांदेड ३१.२ (१६.८), उस्मानाबाद - (१४.१), परभणी ३०.९ (१५.०), अकोला ३३.४ (१८.१), अमरावती ३३.० (१५.३), ब्रह्मपुरी ३३.८ (१८.०), बुलडाणा ३०.२ (१६.२), चंद्रपूर ३१.४ (१७.८), गडचिरोली ३१.४(१६.४), गोंदिया ३१.०(१७.०), नागपूर ३२.० (१६.४), वर्धा ३०.४(१५.८), यवतमाळ - (१४.५).