Cold Weather : उत्तर महाराष्ट्रात गारठा वाढला

राज्याच्या किमान तापमानात चढ - उतार सुरूच आहेत. किमान तापमानात पुन्हा घट झाल्याने उत्तर महाराष्ट्रात गारठा वाढला आहे.
Cold Weather
Cold WeatherAgrowon

पुणे : राज्याच्या किमान तापमानात (Minimum Temperature) चढ - उतार सुरूच आहेत. किमान तापमानात पुन्हा घट झाल्याने उत्तर महाराष्ट्रात गारठा (Clod Weather) वाढला आहे. तर मध्य महाराष्ट्र, मराठवाड्याच्या काही भागात थंडी (Cold) टिकून आहे. आज (ता. १५) मध्य महाराष्ट्र, मराठवाडा, विदर्भात गारठा टिकून राहण्याची शक्यता हवामान विभागाने वर्तविली आहे.

उत्तरेकडील थंड वाऱ्यांच्या प्रभावामुळे राज्यात गारठा वाढला आहे. काही ठिकाणी किमान तापमानाचा पारा १० अंशांच्या खाली आहे.

शनिवारी (ता. १४) निफाड येथील गहू संशोधन केंद्रात राज्यातील नीचांकी ५.८ अंश सेल्सिअस तापमानाची नोंद झाली. तर जळगाव, धुळे, नाशिक, पुणे, औरंगाबाद येथेही तापमानाचा पारा १० अंशांपेक्षा खाली होता.

उर्वरित राज्यातही किमान तापमानात काहीशी घट झाली आहे. कमाल तापमानातही वाढ-घट सुरूच असून, जवळपास अनेक ठिकाणी तापमान २८ अंशांच्या वरच आहे.

Cold Weather
Cold weather : थंडीचा कडाका अजून तीन दिवस राहणार

पश्चिमी चक्रावातांच्या प्रभावामुळे हिमालयपर्वत आणि लगतच्या भागात हिमवृष्टी सुरूच आहे. थंडीची लाट आल्याने शनिवारी (ता. १४) राजस्थानच्या चुरू येथे देशाच्या सपाट भू-भागावरील नीचांकी उणे ०.७ अंश सेल्सिअस तापमानाची नोंद झाली.

आज (ता. १५) पंजाब, हरियाना, चंडीगड, दिल्ली, हिमाचल प्रदेश, उत्तराखंड, मध्य प्रदेश, गुजरातच्या काही भागात थंडीची लाट येण्याची शक्यता आहे. तर उत्तर आणि पूर्व भारतातील राज्यात दाट धुके पडण्याचा अंदाज आहे.

Cold Weather
Cold weather : खानदेशात हुडहुडी कायम

गारठा अधिक असलेली ठिकाणे :

निफाड ५.८, जळगाव ८.०, धुळे ८.६, नाशिक ८.८,

औरंगाबाद ८.८, पुणे ९.०.

शनिवारी (ता. १४) सकाळपर्यंतच्या २४ तासांमध्ये राज्यात विविध ठिकाणी नोंदले गेलेले कमाल तापमान, कंसात किमान तापमान (अंश सेल्सिअसमध्ये) :

पुणे ३१.१ (९.०), जळगाव - (८.०), धुळे २९.० (८.६), कोल्हापूर ३०.४ (१५.०), महाबळेश्वर २८.१(१२.५), नाशिक २५.१ (८.८), निफाड ३०.६ (५.८), सांगली ३०.७ (१३.६), सातारा ३१.९(११.०), सोलापूर ३३.२ (१४.३), सांताक्रूझ २७.५ (१५.२),

डहाणू २४.९ (१४.२), रत्नागिरी २९.५ (१७.५), औरंगाबाद २८.८ (८.८), नांदेड - (१४.२), परभणी ३०.५(१३.४), अकोला ३२.१ (१४.२), अमरावती ३०.६ (१२.३), बुलडाणा २९.० (१३.०), ब्रह्मपुरी ३२.२ (१५.५), चंद्रपूर २९.६ (१५.४), गडचिरोली ३०.४(१२.६), गोंदिया २९.५(१३.०), नागपूर ३०.२ (१४.२), वर्धा ३१.२(१५.०), वाशीम ३१.८ (१४.०), यवतमाळ ३०.५ (१२.०).

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
logo
Agrowon
www.agrowon.com