Cold Weather : उत्तर महाराष्ट्र, मराठवाडा, विदर्भात थंडी कायम

Cold Weather Update पुणे : किमान तापमानात (Minimum Temperature) घट झाल्याने उत्तर महाराष्ट्र गारठला (Cold Weather) आहे. रविवारी (ता. ५) उत्तर महाराष्ट्रासह मराठवाडा आणि विदर्भातही थंडी कायम होती. आज (ता. ६) किमान तापमानात चढ-उतार होण्याची शक्यता हवामान विभागाने (Weather Department) वर्तविली आहे.

रविवारी (ता. ५) निफाड येथील गहू संशोधन केंद्रात राज्यातील नीचांकी ८.१ अंश सेल्सिअस तापमानाची नोंद झाली. तर धुळे, औरंगाबाद, जळगाव येथे पारा १० अंशांच्या खाली होते.

राज्याच्या उर्वरित भागात किमान तापमानात घट कायम असल्याने गारठा होता. कमाल तापमानातही वाढ होत असून, अनेक ठिकाणी पारा ३० अंशांच्या वर गेला आहे. रत्नागिरी येथे राज्यातील उच्चांकी ३५.६ अंश सेल्सिअस तापमानाची नोंद झाली.

श्रीलंकेच्या पश्चिम किनाऱ्यालगतच्या असलेले कमी दाबाचे क्षेत्र ओसरले आहे. उत्तर भारतातील राज्यात थंडी कमी झाली आहे. रविवारी (ता. ५) मध्य प्रदेशातील मालाजखंड येथे देशाच्या सपाट भूभागावरील नीचांकी ५.३ अंश सेल्सिअस तापमानाची नोंद झाली.

आज (ता.६) उत्तराखंड, पंजाबमध्ये तुरळक ठिकाणी दाट धुके पडण्याची शक्यता आहे. तर अरुणाचल प्रदेश, आसाम, मेघालय राज्यात विजा, गारपीटीसह पावसाची शक्यता आहे.

रविवारी (ता. ५) सकाळपर्यंतच्या २४ तासांमध्ये राज्यात विविध ठिकाणी नोंदले गेलेले कमाल तापमान, कंसात किमान तापमान (अंश सेल्सिअस मध्ये) :

पुणे ३२.३ (१०.९), जळगाव ३३.४ (१०.०), धुळे ३०.०(८.७), कोल्हापूर ३१.५(१८.५), महाबळेश्वर २९.७ (१५.६), नाशिक ३१.२ (११.६), निफाड ३१.० (८.१), सांगली ३३.२ (१६.१), सातारा ३२.४ (१४.७), सोलापूर ३५.० (१६.०),

सांताक्रूझ ३३.१ (१८.९), डहाणू २८.२ (१७.१), रत्नागिरी ३५.६(१९.४), औरंगाबाद ३१.४ (९.२), नांदेड - (१२.४), परभणी ३१.६(११.०),

अकोला ३३.९ (११.९), अमरावती ३२.६(१२.४), बुलडाणा ३०.०(१३.०), ब्रह्मपुरी ३३.० (१२.६), चंद्रपूर ३०.६(११.६), गडचिरोली ३१.६(१२.२), गोंदिया ३१.० (१०.५), नागपूर ३१.३ (११.०), वर्धा ३२.१(१२.२), वाशीम - (१२.२), यवतमाळ ३१.० (११.०).