Cold Weather : मध्य महाराष्ट्र, मराठवाड्यात गारठा वाढणार

राज्याच्या किमान तापमानात चढ - उतार होत असला तरी मध्य महाराष्ट्र, मराठवाडा गारठलेला आहे.
Cold Weather
Cold WeatherAgrowon

पुणे : राज्याच्या किमान तापमानात (Minimum Temperature) चढ - उतार होत असला तरी मध्य महाराष्ट्र, मराठवाडा गारठलेला (Cold Weather Maharashtra) आहे. निफाड येथील गहू संशोधन केंद्रात राज्याचे नीचांकी ५.५ अंश सेल्सिअस तापमानाची नोंद झाली. आज (ता. १३) मध्य महाराष्ट्र, मराठवाड्यात गारठा (Cold) वाढण्याची शक्यता असून, विदर्भात थंडी कायम राहण्याचा अंदाज हवामान विभागाने वर्तविला आहे.

Cold Weather
Cold weather : थंडीचा कडाका अजून तीन दिवस राहणार

उत्तरेकडील थंड वारे महाराष्ट्राकडे येत असल्याने मध्य महाराष्ट्रासह, मराठवाड्याच्या काही भागात किमान तापमानाचा पारा १० अंशांच्या खाली आहे. गुरूवारी (ता. १२) निफाडसह, धुळे, जळगाव, पुणे, नाशिक, तसेच औरंगाबाद आणि परभणी येथील वसंतराव नाईक मराठवाडा कृषी विद्यापीठात किमान तापमानाचा पारा १० अंशांपेक्षा खाली होता. उर्वरित महाराष्ट्रात किमान तापमान १० ते १६ अंशांच्या दरम्यान होते. कमाल तापमानात वाढ झाली असून, जवळपास सर्वच ठिकाणी तापमान ३० अंशांच्या वर गेले आहे.

पश्चिमी चक्रावातांच्या प्रभावामुळे हिमालयपर्वत आणि लगतच्या भागात हिमवृष्टी सुरूच आहे. उत्तर भारतात थंडीची लाट काहीशी कमी झाली असून, गुरूवारी (ता. १२) उत्तर प्रदेशातील गोरखपूर येथे देशाच्या सपाट भूभागावरील नीचांकी ३.६ अंश सेल्सिअस तापमानाची नोंद झाली.

Cold Weather
Cold Weather : गारठा कायम राहण्याचा अंदाज

आज (ता. १३) उत्तर अंतर्गत कर्नाटक मध्ये तुरळक ठिकाणी थंडीची लाट येण्याची शक्यता आहे. तर पंजाब, हरियाणा, चंडीगड, उत्तर प्रदेश, बिहार, ओडिशा, पश्चिम बंगाल, सिक्कीम, आसाम, त्रिपुरा राज्यात दाट धुके पडण्याचा अंदाज आहे. दरम्यान दक्षिण भारतातील राज्यातून ईशान्य मोसमी वाऱ्यांच्या हंगाम गुरूवारपासून (ता. १२) समाप्त झाल्याचे हवामान विभागाने जाहीर केले.

गुरूवारी (ता. १२) सकाळपर्यंतच्या २४ तासांमध्ये राज्यात विविध ठिकाणी नोंदले गेलेले कमाल तापमान, कंसात किमान तापमान (अंश सेल्सिअस मध्ये) :

पुणे ३२.१ (८.३), जळगाव ३०.८ (७.०), धुळे ३०.० (६.२), कोल्हापूर ३०.९ (१४.९), महाबळेश्वर २८.३(१३.१), नाशिक ३०.४ (९.२), निफाड ३०.६ (५.५), सांगली ३१.२ (१२.६), सातारा ३१.६(१०.८), सोलापूर ३३.५ (१४.०), सांताक्रूझ ३१.२ (१६.३), अलिबाग ३०.६ (१५.६), डहाणू २७.१ (१६.०), रत्नागिरी ३४.२ (१५.५),

औरंगाबाद ३०.६ (९.४), नांदेड - (१२.६), परभणी ३१.६ (१२.५), अकोला ३३.१ (१२.०), अमरावती ३२.० (१०.७), बुलढाणा ३१.६ (१४.०), ब्रह्मपूरी ३२.० (१२.४), चंद्रपूर २८.८ (१३.०), गडचिरोली ३०.२(११.६), गोंदिया ३०.०(१०.५), नागपूर ३०.४ (११.०), वर्धा ३१.२(११.९), वाशीम ३२.८ (१२.२), यवतमाळ ३१.७ (११.०).

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
logo
Agrowon
www.agrowon.com