Cold Weather : राज्यात थंडी कमी होणार

उत्तर महाराष्ट्रात गारठा कायम असून काही ठिकाणी पारा १० अंशांच्या खाली आहे. किमान तापमानात वाढ होणार असल्याने दोन दिवसांत राज्यात थंडी कमी होण्याची शक्यता आहे.
Cold Weather
Cold WeatherAgrowon

पुणे : उत्तर महाराष्ट्रात गारठा (Cold Weather) कायम असून काही ठिकाणी पारा १० अंशांच्या खाली आहे. किमान तापमानात (Minimum Temperature) वाढ होणार असल्याने दोन दिवसांत राज्यात थंडी (Cold) कमी होण्याची शक्यता आहे. आज (ता. २४ उत्तर महाराष्ट्रात गारठा कायम राहण्याचा अंदाजही हवामान विभागाने (Weather Department) वर्तविला आहे.

Cold Weather
Weather Update : राज्याच्या किमान तापमानात वाढ

उत्तर महाराष्ट्रातील निफाड येथील गहू संशोधन केंद्र येथे सोमवारी (ता. २३) राज्यातील निचांकी ८.७ अंश सेल्सिअस तापमान नोंदले गेले.

धुळे येथील कृषी महाविद्यालयात ९ अंश तापमानाची नोंद झाली. राज्याच्या उर्वरित भागात बहुतांशी ठिकाणी तापमान ११ ते २० अंशांच्या दरम्यान आहे. किमान तापमानात वाढ होत असल्याने थंडी कमी होत आहे.

Cold Weather
Cold Weather : उत्तर महाराष्ट्रात गारठा कायम राहणार

दरम्यान, स्वच्छ सुर्य प्रकाश जमीनीवर येत असल्याने उन्हाचा चटका वाढला असून, राज्याच्या कमाल तापमानातील वाढ कायम आहे. बहुतांश ठिकाणी कमाल तापमानाचा पारा २९ ते ३३ अंशांच्या आसपास आहे.

सोलापूर येथे राज्यातील उच्चांकी ३३ अंश सेल्सिअस तापमान नोंदले गेले. उत्तर भारतातील राज्यात थंडी कमी झाली आहे. सोमवारी (ता. २३) राजस्थानच्या पिलानी येथे देशाच्या सपाट भूभागावरील नीचांकी ६.४ अंश सेल्सिअस तापमानाची नोंद झाली.

सोमवारी (ता. २३) सकाळपर्यंतच्या २४ तासांमध्ये राज्यात विविध ठिकाणी नोंदले गेलेले कमाल तापमान, कंसात किमान तापमान (अंश सेल्सिअस मध्ये) :

पुणे ३१.१ (११.७), जळगाव ३१.३ (१२.७), धुळे २८.० (९.०), कोल्हापूर ३०.३ (१६.५), महाबळेश्वर २५.८(१३.२), नाशिक २९.६ (११.०), निफाड ३०.६ (८.७), सांगली ३०.५ (१५.०), सातारा ३०.९ (१३.७), सोलापूर ३३.० (१८.२),

सांताक्रूझ ३०.४ (१६.२), डहाणू २४.८ (१६.४), रत्नागिरी ३०.४(१६.२), औरंगाबाद २९.२ (११.४), नांदेड - (१६.४), उस्मानाबाद २९.६ (१६.१), परभणी ३१.०(१६.०), अकोला ३२.० (१६.२), अमरावती ३२.० (१६.९), बुलढाणा २९.८ (१५.२),

ब्रह्मपूरी २९.८ (१५.२), चंद्रपूर ३०.४ (१७.४), गडचिरोली ३१.०(१५.६), गोंदिया ३१.२(१५.०), नागपूर ३१.० (१४.८), वर्धा ३१.०(१६.०), वाशीम - (१५.४), यवतमाळ ३१.७ (१८.२).

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com