Crop Damage Survey : पीक नुकसानीचे पंचमाने तातडीने करा ः पालकमंत्री पाटील

पुणे जिल्ह्यात नुकत्याच झालेल्या अतिवृष्टीसदृश पावसाने झालेल्या पीक नुकसानीचे पंचनामे तातडीने करण्याचे आदेश पालकमंत्री चंद्रकांत पाटील यांनी दिले.
Crop Damage
Crop DamageAgrowon

पुणे ः जिल्ह्यात नुकत्याच झालेल्या अतिवृष्टीसदृश (Heavy Rain) पावसाने झालेल्या पीक नुकसानीचे पंचनामे (Crop Damage Survey) तातडीने करण्याचे आदेश पालकमंत्री चंद्रकांत पाटील (Chandrakant Patil) यांनी दिले. जिल्हाधिकारी कार्यालयात शनिवारी (ता. १५) विविध योजनांच्या आढावा बैठकीत ते बोलत होते.

Crop Damage
Soybean Crop Damage : ‘हाती येता येता झाली सोयाबीनची माती’

पालकमंत्री श्री. पाटील यांनी जिल्हाधिकारी कार्यालयात झालेल्या आढावा बैठकीत जिल्ह्यातील विविध विकासकामांचा आढावा घेतला. त्या वेळी ते बोलत होते. बैठकीस आमदार राहुल कुल, जिल्हाधिकारी डॉ. राजेश देशमुख, मुख्य कार्यकारी अधिकारी आयुष प्रसाद, सहपोलिस आयुक्त संदीप कर्णिक, पोलिस अधीक्षक डॉ. अभिनव देशमुख, उपवनसंरक्षक राहुल पाटील आदी उपस्थित होते.

Crop Damage
Crop Damage : नुकसानीमुळे दिवाळीची तयारी फिकी

या वेळी पाटील म्हणाले, ‘‘जिल्ह्यातील विकासकामे वेगाने मार्गी लावायची असून, निधीची कमतरता भासू दिली जाणार नाही. अधिकाधिक नावीन्यपूर्ण उपक्रम राबवण्यासाठी शासकीय निधीसोबतच उद्योगांच्या सामाजिक उत्तरदायित्व निधीतूनही सहकार्य घेण्यात येईल. पशुसंवर्धन विभागाने लम्पी स्कीन आजार नियंत्रणात आणण्यासाठी आवश्यक उपाययोजना कराव्यात, त्यासाठी आवश्यक निधी देण्यात येईल. शिरूर परिसरात बिबट्याच्या संचारामुळे नागरिकांमध्ये भीती असल्याने बिबट्या पकडण्यासाठी अधिकचे पिंजरे लावावेत आणि तज्ज्ञ व्यक्तींची मदत घ्यावी.

जिल्ह्यातील पर्यटनस्थळांचा विकास करण्यासाठी निवडक स्थळ घेऊन तेथील विकासाचे नियोजन करावे, जेणेकरून अशा ठिकाणी भेट देणाऱ्या पर्यटकांची संख्या वाढू शकेल. आगामी काळातील रोजगार कौशल्याधारित असणार आहे. त्यामुळे विद्यार्थ्यांच्या कौशल्य विकासावर भर देण्यात यावा. त्यासाठी जास्तीत जास्त निधीची तरतूद करण्यात येईल, असेही पाटील म्हणाले.

या वेळी जिल्हाधिकारी डॉ. देशमुख तसेच मुख्य कार्यकारी अधिकारी आयुष प्रसाद यांनी आढावा सादर केला. विविध विभागांच्या खातेप्रमुखांनीही आपापल्या विभागांची माहिती सादर केली.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com