Crop Insurance : पीकविमा, मदतीसाठी शिवसेनेचे रास्ता रोको

परभणी जिल्ह्यात ठिकठिकाणी आंदोलन
Crop Insurance
Crop InsuranceAgrowon

परभणी ः जिल्ह्यात अतिवृष्टी, सततचा पाऊस, (Heavy Rainfall) परतीचा पाऊस यामुळे खरीप पिकांचे मोठे (Kharip Crop Damage) नुकसान झाले आहे. त्यामुळे जिल्ह्यात ओला दुष्काळ जाहीर करावा. पीकविमा परतावा मंजूर करावा. शेतकऱ्यांच्या खात्यावर तत्काळ आर्थिक मदत जमा करावी, आदी मागण्यांसाठी शिवसेना (उद्धव बाळासाहेब ठाकरे) (Uddhav Balasabh Thakrey Shivsena) तर्फे परभणी जिल्ह्यात विविध ठिकाणी बुधवारी (ता.१९) रास्ता रोको आंदोलन करण्यात आले.

Crop Insurance
Crop Insurance : विम्याला ‘सातबारा’ जोडल्याने राज्याचा केंद्राकडून गौरव

जून, जुलै महिन्यांतील अतिवृष्टी, सततचा पाऊस, ऑगस्ट महिन्यातील पावसाचा खंड, त्यानंतर ऑक्टोबर महिन्यात ऐन सुगीमध्ये झालेली अतिवृष्टी आदींमुळे सोयाबीन, कपाशी, तूर आदी पिकांचे मोठे नुकसान झाले. त्यामुळे शेतकरी आर्थिक अडचणीत सापडले आहेत. पीक नुकसानीचे पंचनामे करावेत.

ओला दुष्काळ जाहीर करून शेतकऱ्यांना तत्काळ आर्थिक द्यावी, आदी मागण्यासाठी खासदार संजय जाधव यांच्या नेतृत्वाखालील जिल्ह्यातील सर्व तालुक्यांत रास्ता रोको आंदोलन करण्यात आले.

परभणी-जिंतूर राष्ट्रीय महामार्गावरील टाकळी कुंभकर्ण येथे आमदार डॉ. राहुल पाटील यांच्या उपस्थितीत रास्ता रोको करण्यात आला. पाथरी येथे उपजिल्हा प्रमुख रवींद्र धर्मे यांच्या उपस्थितीत रास्ता रोको आंदोलन करण्यात आले. अन्य तालुक्यांतही आंदोलने करण्यात आली. त्यात शेतकरी, कार्यकर्ते मोठ्या संख्येने सहभागी झाले.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com