Grape Crop Damage : माथेफिरूकडून ऐन हंगामात द्राक्ष बागेचे नुकसान

निफाड तालुक्यातील उगाव येथील विष्णुपंत माणिकराव पानगव्हाणे यांनी दोन वर्षापूर्वी शेत मिळकत गट नं.१५०/१ मध्ये तीन एकर क्षेत्रावर नानसाहेब परपल या काळ्या वाणाची लागवड केली होती.
Grape
Grape Agrowon

निफाड, जि. नाशिक : तालुक्यातील उगाव येथील विष्णुपंत माणिकराव पानगव्हाणे या द्राक्ष उत्पादक (Grape Producer) शेतकऱ्याच्या तयार द्राक्ष बागेतील ७० वेलींवर अज्ञात व्यक्तीने घाव घालत नुकसान (Grape Crop Damage) केल्याची घटना समोर आली आहे. ऐन द्राक्ष हंगामाच्या तोंडावर तयार झालेली द्राक्ष बाग उद्‌ध्वस्त केल्याने मोठा फटका शेतकऱ्याला बसला आहे. त्यामुळे द्राक्ष पट्ट्यात हळहळ व्यक्त केली जात आहे.

Grape
Grape Management : दर्जेदार द्राक्ष उत्पादनासाठी घडसंख्या नियोजन

निफाड तालुक्यातील उगाव येथील विष्णुपंत माणिकराव पानगव्हाणे यांनी दोन वर्षापूर्वी शेत मिळकत गट नं.१५०/१ मध्ये तीन एकर क्षेत्रावर नानसाहेब परपल या काळ्या वाणाची लागवड केली होती. या द्राक्ष बाग उभारणी व पीक व्यवस्थापन कामी त्यांनी दहा लाख रुपयांचे कर्ज घेतले होते.

Grape
Grape Crop Protection : द्राक्ष बागेवर प्लॅस्टिक आच्छादनाचे प्रयोग कधी?

द्राक्ष बागेची मशागत करून चालू हंगामात द्राक्ष बागेवर पहिले पीक आले होते. खत, सिंचन, पीक संरक्षण करून जोमदार बाग उभी होती. असे असताना द्राक्ष बागेतील सुमारे ७० वेली मुळापासून तोडून टाकल्याची बाब गुरुवारी (ता. १५) सकाळी पानगव्हाणे यांच्या निदर्शनास आली.

द्राक्ष बागेत नियमित पाहणीकरिता गेले असता पानगव्हाणे कुटुंबाला द्राक्षघडसुकलेले दिसले. त्या वेळी बारकाईने पाहणी केल्यावर द्राक्ष बागेच्या मुळावरच घाव घातल्याचे दिसून आले. अनपेक्षितरीत्या घडलेल्या या घटनेमुळे पानगव्हाणे परिवार अडचणींत आला आहे. घटनेचा सर्वत्र निषेध केला जात आहे .

अनेक संकटांतून द्राक्ष बागा उभ्या कराव्या लागतात. त्यावर लाखोंचा खर्च केला जातो. आलेल्या पिकावर द्राक्ष बागायतदारांचे भवितव्य असते; मात्र अशा घटनेमुळे द्राक्ष बागेचे झालेले नुकसान हे निषेधार्ह आहे. या प्रकाराची चौकशी करून दोषीवर कारवाई झाली पाहिजे.

- अॅड. रामनाथ शिंदे, संचालक-महाराष्ट्र राज्य द्राक्ष बागायतदार संघ, नाशिक विभाग

उगाव येथील द्राक्ष बागायतदार विष्णुपंत पानगव्हाणे यांची द्राक्षाची ७० झाडे माथेफिरूने तोडून नुकसान केले. या घटनेचा आम्ही जाहीर निषेध करतो. या संपूर्ण प्रकरणाची संबंधित विभागाकडून चौकशी करण्यात यावी व नुकसान भरपाई मिळावी.

- संजय पाटोळे, शेतकरी, शेतकरी संघर्ष संघटना

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
logo
Agrowon
www.agrowon.com