Crop Damage Compensation : भरपाईपासून नुकसानग्रस्त वंचित

जळगाव तालुक्यातील भोकर, पिंप्राळा महसूल मंडळातील २१ गावांना ९, १० जून रोजी आलेल्या वादळी वाऱ्यासह पावसाने दिलेल्या फटक्यामुळे सुमारे २०९१ हेक्टर क्षेत्रावरील पिकांचे नुकसान झाले होते.
Crop Damage
Crop Damage Agrowon

जळगाव ः जळगाव, भडगाव, पाचोरा, चोपडा, यावल, रावेर आदी भागांत जूनमध्ये वादळाने केळी व इतर पिकांना फटका (Crop Damage) बसला होता. यानंतर प्रशासन, लोकप्रतिनिधींचे पाहणी दौरे व आश्वासने व निवेदनाचा रतीब झाला. परंतु शासनाकडून भरपाई (Crop Damage Compensation) अद्याप मिळालेली नाही.

Crop Damage
Cotton Crop Damage : खानदेशात कपाशीच्या पक्व कैऱ्यांचे नुकसान

फक्त पीकविमा धारकांना अलीकडेच किंवा काही दिवसांपूर्वी मदतनिधी मिळाला आहे. परंतु पीकविमा योजनेत सहभागी नसलेल्या शेतकऱ्यांना शासनाकडून काहीएक मदत मिळालेली नाही. जळगाव तालुक्यातील भोकर, पिंप्राळा महसूल मंडळातील २१ गावांना ९, १० जून रोजी आलेल्या वादळी वाऱ्यासह पावसाने दिलेल्या फटक्यामुळे सुमारे २०९१ हेक्टर क्षेत्रावरील पिकांचे नुकसान झाले होते.

Crop Damage
Cotton Crop Damage : ‘आकस्मिक मर’ने कापूस उत्पादक हैराण

यावल, रावेर, चोपडा, भडगाव, पाचोरा भागातही सुमारे पाच हजार हेक्टरला फटका बसला होता. यात बहुतांश केळीचे क्षेत्र बाधित झाले होते. या नुकसानीची बांधावर जाऊन पाहणी नेते, प्रशासनाने केली होती. तसेच शेतकऱ्यांशी संवाद साधला. याप्रसंगी अनेक शेतकऱ्यांना आपल्या व्यथा-वेदना सांगताना अश्रू अनावर झाले. जळगाव तालुक्यात गाढोदा, भादली खुर्द, भोकर, पळसोद शिवार, कठोरा, करंज, घार्डी, नांद्रा बुद्रुक, नंदगाव आदींसह परिसरातील शिवारात थेट बांधावर जाऊन लोकप्रतिनिधींनी नुकसानीची पाहणी केली होती. पपई, टोमॅटो, वेलवर्गीय पिकांसह शेडनेटलाही फटका बसला होता. यातील नुकसानग्रस्तही मदतीच्या प्रतीक्षेत आहेत.

मदतीची प्रतीक्षा..

जिल्ह्यात २०१९, २०२० व २०२१ मध्येही अतिवृष्टी झाली. यात कापूस, उडीद, मूग, सोयाबीनचे मोठे नुकसान झाले. याबाबतही मदतनिधीची अपेक्षा होती. अहवाल, पाहणी दौरे या काळातही झाले. पण भरपाई मिळालेली नसल्याची स्थिती आहे. याद्या तहसील प्रशासनाकडे आहेत. पण निधी मात्र शेतकऱ्यांच्या बँक खात्यात प्राप्त झालेला नाही.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com