विक्रमगड : विक्रमगड तालुक्यात भात शेतीबरोबरच (Paddy Farming) माळरानावर गवतही मोठ्या प्रमाणात उगवत असते. पेंढ्याची (Paddy Straw) (पाओलीची) विक्री करून शेतकरी आपल्या कुटुंबाचा उदरनिर्वाह चालवत असतात. पाओली या गवत विक्रीसाठी तालुक्यात नोव्हेबर अखेरीस काही भागांत सुरुवात झाली. पाओलीला व गवताला योग्य भाव देण्याची मागणी शेतकऱ्यांकडून केली जात आहे.
तालुक्यातील केव परिसर, दादडे, उपराळे अशा विविध ठिकाणी विक्री सुरू झाली आहे. या वर्षी उशिराने नोव्हेंबर शेवटी गवत व पाओलीला खरेदी करणाऱ्या वखारी सुरू झाल्या आहेत. या वर्षी तालुक्यात गवताला ५५०० ते ६००० रुपये टन भाव देण्याची मागणी शेतकऱ्यांकडून केली जात आहे.
गेल्या दोन-तीन वर्षांत तालुक्यात गवत व पाओलीला खरेदी करणाऱ्या वखारी या २५ पेक्षा जास्त होत्या. या वर्षी मात्र त्याची संख्या कमी होऊन अंदाजे ७ ते ८ वखारी सुरू आहेत.
वखारी मालक हे गवत मुंबई, वसई, नालासोपारा, ठाणे, गोरेगाव भागातील दूध व्यवसाय करणाऱ्या तबेल्यांना विक्री करतात. या गठड्यांना योग्य भाव नसल्याने वखारी मालक मागणीनुसार वखारीत साठवणूक करून ठेवत असतात.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
