Sugar Mills : गत हंगामातील महसूल विभागणी सूत्र यंदाच्या हंगामापूर्वीच निश्चित करा

इथेनॉल व अन्य घटकांपासून उत्पन्न वाढ झाली आहे. यामुळे मागील हंगामाचे महसुली विभागणी सूत्र (आरएसएफ) या हंगामापूर्वी निश्चित करावे, अशी मागणी ‘आंदोलन अंकुश’ने साखर आयुक्तांना दिलेल्या निवेदनात केली आहे.
Sugar Mills
Sugar MillsAgrowon

कोल्हापूर : यावर्षी साखरेला ३५ रुपयांपेक्षा जादा दर मिळाला आहे. याचबरोबर इथेनॉल व अन्य घटकांपासून उत्पन्न वाढ झाली आहे. यामुळे मागील हंगामाचे महसुली विभागणी सूत्र (आरएसएफ)(RSF) या हंगामापूर्वी निश्चित करावे, अशी मागणी ‘आंदोलन अंकुश’ (Aandolan Ankush) ने साखर आयुक्तांना दिलेल्या निवेदनात केली आहे. संघटनेचे अध्यक्ष धनाजी चुडमुंगे (Dhanaji Chudmunge) म्हणाले,

Sugar Mills
Sharad Pawar : ‘रयत’च्या पाठीशी नगरकरांचा मजबूत पाठिंबा : शरद पवार

की मागील एक वर्ष साखरेला क्विंटलला ३५०० रुपयांपेक्षा जादा दर मिळालेला आहे आणि इथेनॉलपासून कारखान्यांना जादाचे उत्पन्न मिळाले असून यावर्षी एफआरपीपेक्षा जादा महसुली विभागणी सूत्र निघणार आहे. परिणामी एफआरपीपेक्षा जादा दर शेतकऱ्यांना मिळू शकतो.

Sugar Mills
Agriculture credit : कमी दराने शेतीमाल विक्रीपेक्षा तारणकर्ज योजनेचा लाभ घ्या

सी रंगराजन समितीच्या ७०ः३० सूत्रानुसार साखर व उप पदार्थांचे एकूण उत्पन्न काढून त्यातील ७० टक्के रक्कम शेतकऱ्यांना देण्याचा रेव्हिन्यू शेअरिंग फॉर्म्युलाचा २०१३ चा कायदा आहे. त्यानुसार हंगाम संपल्यावर १२० दिवसांत कारखान्यांनी आपले हिशेब साखर आयुक्तालयास सादर करायचे काही वर्षे दर कमी मिळत होता,

पण आता साखरेबरोबरच इथेनॉल आणि उत्पादकांना इतर चांगले मिळाल्याने शेतकऱ्यांना यंदा जादा रक्कम मिळू शकते. यावर्षी साखरेला व उप पदार्थांना मिळालेल्या बाजारभावाचा विचार केल्यास व आयुक्तालयाने प्रामाणिकपणे कारखान्यांचे हिशेब तपासल्यास एफआरपी सोडून आणखी १०० रुपये तरी मिळू शकतात व

जे कारखाने बी हेवी मोल्यासिसपासून इथेनॉल बनवत आहेत, त्यांना आणखी २५० रुपये शेतकऱ्यांना दुसरा हप्ता म्हणून द्यावे लागण्याची शक्यता आहे. यामुळेच आम्ही ही मागणी केली आहे.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com