Jayakwadi Dam : जायकवाडीतून ६६५२४ क्युसेकने विसर्ग सुरू

औरंगाबाद : मराठवाड्यातील (Marathwada) सर्वात मोठ्या जायकवाडी प्रकल्पात (Jaykwadi Dam) मंगळवारी (ता. २०) दुपारी दोन वाजेपर्यंत ७४१८६ क्यूसेकने आवक तर ६६५२४ क्यूसेकने पाण्याचा विसर्ग (Water Discharge) सुरू होता.

पाण्याची होत असलेली आवक पाहता सोमवारी (ता. १९) सकाळी ६ वाजताच्या सुमारास ८०१७२ क्यूसेकने पाण्याचा विसर्ग सुरू होता. प्रकल्प प्रशासनाच्या माहितीनुसार, शुक्रवारी (ता. १६) सकाळी ६ वाजता जायकवाडी प्रकल्पातील पाणीसाठा ९९.१२ टक्क्यांवर पोहोचला होता. त्यावेळी प्रकल्पात ७५.९८ टीएमसी जिवंत पाणीसाठा तर १०२.५ टीएमसी एकूण पाणीसाठा झाला होता.

शुक्रवारी सहा वाजता होणाऱ्या आवकेच्या प्रमाणात १८ दरवाजे दीड फुटाने उघडून २८ हजार ७९६ पाण्याचा विसर्ग सुरू होता. दुपारी बारा वाजताच्या सुमारास प्रकल्पाचे उघडलेले १८ गेट साडेतीन फुटाने उघडून विसर्गात मोठी वाढ करत तो ७५ हजार ४५६ क्यूसेक करण्यात आला होता. १८ सप्टेंबरला सकाळी ६ वाजेपर्यंत १ लाख १३ हजार ६८४ क्युसेकने २७ दरवाजे ४ फूट उघडून पाण्याचा विसर्ग नदीपात्रात केला जात होता. सकाळी आठ वाजता विसर्ग कमी करून १ लाख ८ हजार ४६८ क्युसेक पर्यंत आणण्यात आला. हळूहळू तो कमी करत ८०,१७२ क्युसेक करण्यात आला.

सोमवारी (ता १९ )सकाळी ६ वाजता प्रकल्पात ८६,४४७ क्युसेकने आवक सुरू होती. तर ८०१७२ क्युसेकने विसर्ग नदीपात्रात केला जात होता. मंगळवारी सकाळी ६ वाजता २७ दरवाजातून ८०६७२ क्यूसेकनेच विसर्ग सुरू होता. १ जूनपासून १९ सप्टेंबरपर्यंत जायकवाडी प्रकल्पात १७४.४८ टीएमसी पाण्याची आवक झाली असून १२२.४६ टीएमसी पाण्याचा विसर्ग करण्यात आला असल्याची माहिती जायकवाडी प्रकल्प प्रशासनाच्यावतीने देण्यात आली. आवकच्या प्रमाणात जायकवाडीतून पाण्याचा विसर्ग कमी अधिक केला जाणार आहे. त्यामुळे नदीकाठच्या गावांनी सतर्क राहण्याचे सूचना जायकवाडी प्रकल्प प्रशासनाच्यावतीने करण्यात आली आहे.