Agriculture Festival News बुलडाणा : कृषी विभागाने (Agriculture Department) आयोजित केलेल्या जिल्हास्तरीय कृषी महोत्सवाला ()Agriculture Festival येथे प्रारंभ झाला आहे. या प्रदर्शनाचे उद्घाटन स्थानिक आमदार संजय गायकवाड (Sanjay Gaikwad) यांच्या हस्ते झाले.
यावेळी त्यांनी शेतमाल विकत घेण्यापासून त्यावर प्रक्रिया आणि तो योग्य ठिकाणी पाठविण्याची सुविधा उपलब्ध व्हावी, यासाठी जिल्ह्यातील येळगाव येथे फूडपार्क ही संकल्पना राबवणार असल्याचे सांगितले.
यावेळी जिल्हाधिकारी डॉ. ह. पि. तुम्मोड, डॉ. पंजाबराव देशमुख कृषी विद्यापीठाचे शिक्षण विस्तार संचालक डॉ. धनंजय उंदिरवाडे, विभागीय कृषी सहसंचालक किसन मुळे, जिल्हा अधीक्षक कृषी अधिकारी संतोष डाबरे उपस्थित होते.
जिल्हाधिकारी डॉ.तुम्मोड यांनी शेतकऱ्यांच्या पाठिशी शासन नेहमीच खंबीरपणे उभे राहणार आहे. पाठपुराव्यामुळे विम्यापोटी मिळणारी ९ कोटी ८७ लाखाची रक्कम प्राप्त झाली आहे. तसेच येत्या काळात ४९ हजार शेतकऱ्यांच्या पीक विम्याचा प्रश्न निकाली काढण्यात येईल.
कृषी सहायक रूपाली गायकवाड यांनी लिहिलेल्या तृणधान्याच्या पाककला पुस्तिकेचे प्रकाशन करण्यात आले. तसेच अनिता पवार, प्रल्हाद गवते, बाळकृष्ण पाटील, विठ्ठल दंदाळे या प्रगतिशील शेतकऱ्यांचा सत्कार करण्यात आला. कृषी महोत्सव मंगळवार (ता.१४) सुरू राहणार आहे.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
