Crop Damage Survey : नुकसानग्रस्त शेतीचे पंचनामे तत्काळ करा

गेल्या आठवड्यात झालेल्या परतीच्या पावसाने खोची, भेंडवडे, लाटवडे परिसरातील खरीप हंगामातील पिकांचे प्रचंड नुकसान झाले आहे.
 Crop Damage
Crop Damage Agrowon

खोची, जि. कोल्हापूर : गेल्या आठवड्यात झालेल्या परतीच्या पावसाने खोची, भेंडवडे, लाटवडे परिसरातील खरीप हंगामातील पिकांचे प्रचंड नुकसान (Kharif Crop Damage) झाले आहे. नुकसान झालेल्या पिकांची पाहणी (Crop Damage Survey) आमदार राजूबाबा आवळे यांनी केली. त्यांच्यासोबत कृषी, महसूल विभागाचे अधिकारी उपस्थित होते.

 Crop Damage
Crop Damage : मराठवाड्यात नुकसान क्षेत्र पोहोचले ३० लाख हेक्टरवर

या वेळी आवळे यांनी कृषी, महसूल अधिकाऱ्यांना पिके काढण्याच्या वेळीच जोराच्या परतीच्या पावसाने नुकसान झालेल्या शेती पिकांचे पंचनामे शेतीच्या बांधावर जाऊन तत्काळ करा. कसलीही कसूर न ठेवता अचूक पंचनामे करा. त्याचा नुकसान भरपाईचा अहवाल शासनाकडे पाठवून द्या, अशा सूचना दिल्या.

परतीच्या ढगफुटीसदृश पावसाने खरीप हंगामातील सोयाबीन, भुईमूग, भात तसेच उसाची लागण, फुलशेती, भाजीपाला या पिकांचे नुकसान झाले आहे. शेतकरी आर्थिक नुकसानीत सापडला आहे. त्यामुळे कृषी, महसूल, ग्रामपंचायत या विभागाने पंचनामे करून त्याचा अहवाल पाठवून द्यावा. शासनाकडे पाठपुरावा करून शंभर टक्के नुकसान भरपाई मिळवून देण्याचा प्रयत्न केला जाईल, अशी ग्वाही आमदार आवळे यांनी दिली.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com