Grape farming: ढगाळ वातावरणामुळे द्राक्ष उत्पादक धास्तावले

गेल्या दोन दिवसांपर्यंत द्राक्षाला पोषक वातावरण असल्याने शेतकऱ्यांना दिलासा मिळाला. परंतु ऑक्टोबरपर्यंत पाऊस असल्यामुळे छाटणी उशिरा झाली. सध्या सुमारे ४० टक्के क्षेत्रावरील बागा फुलोरा अवस्थेत आहेत.
Grape
GrapeAgrowon

सांगली : जिल्ह्यात दोन दिवसांपासून ढगाळ वातावरण (Cloudy Weather) आहे. रविवारी (ता. ११) रात्री जिल्ह्यातील पलूस, कुंडल, वाळवा, बोरगाव, आंधळी, नागठाणे, बेडग या भागात हलक्या पावसाने हजेरी लावली. यामुळे द्राक्ष उत्पादक (Grape Farmer) शेतकरी धास्तावला असून फुलोरा अवस्थेत असलेल्या द्राक्ष बागांचे नुकसान होण्याची शक्यता उत्पादक शेतकऱ्यांनी वर्तवली आहे.

Grape
Grape Season : द्राक्ष हंगामाचे गणित वातावरणावर अवलंबून

जिल्ह्यात गेल्या दोन दिवसांपर्यंत द्राक्षाला पोषक वातावरण असल्याने शेतकऱ्यांना दिलासा मिळाला. परंतु ऑक्टोबरपर्यंत पाऊस असल्यामुळे छाटणी उशिरा झाली. सध्या सुमारे ४० टक्के क्षेत्रावरील बागा फुलोरा अवस्थेत आहेत. अशा परिस्थितीत जिल्ह्यात दोन दिवसांपासून ढगाळ वातावरण होते. परंतु पाऊस कुठेही झाला नव्हता त्यामुळे काही प्रमाणात शेतकऱ्यांना दिलासा मिळाला होता.

Grape
Grapes Crop : द्राक्षाला बदलत्या वातावरणा धोका

रविवारी (ता. ११) रात्री द्राक्ष पट्ट्यातील पलूस, कुंडल, वाळवा, बोरगाव, आंधळी, नागठाणे, बेडग या भागात हलक्या पावसाने हजेरी लावली. फुलोरा अवस्थेत असलेल्या घडामध्ये पाणी साचून घडकुज होण्याची शक्यता निर्माण झाली आहे.

त्याचप्रमाणे डाऊनी रोगासह अन्य रोगाचाही प्रादुर्भाव होणार असल्याने शेतकऱ्यांनी बागेमध्ये फवारणीचे नियोजन केले असल्याचे चित्र पाहायला मिळते. ढगाळ वातावरण आणि पाऊस असाच राहिला तर द्राक्षाचे मोठ्या प्रमाणात नुकसान होईल, असा अंदाज द्राक्ष उत्पादक शेतकऱ्यांनी व्यक्त केला.

ढगाळ वातावरण आणि द्राक्ष पट्ट्यात झालेला पाऊस यामुळे फुलोरा अवस्थेतील भागांचे नुकसान होईल. भविष्यातील नुकसान टाळण्यासाठी राष्ट्रीय द्राक्ष संशोधन सल्ला घेऊन औषध फवारणी करावी.
मारुती चव्हाण, द्राक्ष तज्ज्ञ, पलूस.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
logo
Agrowon
www.agrowon.com