पोथरे : उत्तर भारतातून आलेल्या थंडीमुळे वातावरणात (Cold weather) हुडहुडी भरली आहे. या थंडीचा मानवी जीवनावर परिणाम झाला असला तरी गव्हाचे पीक (Wheat Crop) मात्र जोमात डोलू लागले आहे.
मुबलक पाणी व वातावरणातील गारव्यामुळे गव्हाची उंची वाढून गव्हाची पिके तजेलदार दिसू लागली आहेत.
यावर्षी करमाळा तालुक्यात पाऊस मुबलक झाल्याने अनेक शेतकऱ्यांनी गव्हाच्या पिकाला पसंती दिली आहे.
काही शेतकऱ्यांनी ऊस लावून उसावरील सरीवर गव्हाचे आंतरपीक घेतले आहे. मुबलक पाणी असल्याने गव्हाची उगवण क्षमता उत्तम प्रकारे झाली होती. अशातच थंडी सुटल्याने गव्हाला पोषक वातावरण निर्माण झाले आहे.
या थंडीमुळे सध्या गव्हाची पिके हुरडा अवस्थेकडे वाटचाल करत असून झाडाची उंची व कुडीची लांबी उत्तम प्रकारे तयार झाली आहेत. त्यामुळे यावर्षी गव्हाला चांगले उत्पादन मिळणार अशी आशा शेतकऱ्यांमध्ये निर्माण झाली आहे.
थंडी असेल तरच गव्हाचे पीक चांगले येते. यावर्षी कडाक्याची थंडी असल्यामुळे गव्हाची पिके चांगली आली आहेत. त्यामुळे यावर्षी उत्पन्नात वाढ होणार असल्याचे रामभाऊ नलवडे, बाळेवाडी यांनी सांगितले.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
