Latest Weather Update पुणे : राज्याच्या किमान तापमानात (Minimum Temperature) होत असलेल्या वाढीमुळे गारठा (Col Weather) कमी होत आहे. तर कमाल तापमानाचा पारा देखील पस्तिशीपार गेला आहे. राज्याच्या कमाल आणि किमान तापमानात तफावत वाढल्याचे चित्र दिसून येत आहे. आज (ता. ८) राज्याच्या तापमानातील चढ-उतार कायम राहण्याची शक्यता हवामान विभागाने (Weather Department) वर्तविली आहे.
राज्यात गेले काही दिवसांपासून परतलेली थंडी हळूहळू कमी होऊ लागली आहे. किमान तापमानात वाढ होत असली तरी उत्तर महाराष्ट्रात गारठा कायम आहे.
मंगळवारी (ता. ७) निफाड येथील गहू संशोधन केंद्रात राज्यातील निचांकी ८.३ अंश सेल्सिअस तापमानाची नोंद झाली. तर जळगाव येथे तापमानाचा पारा १० अंशांवर होता. राज्याच्या उर्वरित भागात बहुतांश ठिकाणी किमान तापमान १२ अंशांच्या वर गेले आहे.
निरभ्र आकाश होताच राज्यात उन्हाचा चटका आणि उकाडा वाढला आहे. तापमानातील तफावत वाढल्याने पहाटे गारठा तर दुपारी चटका अशी स्थिती अनुभवायला येत आहे.
कमाल आणि किमान तापमानात १३ ते २४ अंशांपर्यंत तफावत नोंदली जात आहे. मगंळवारी (ता. ७) विदर्भातील ब्रह्मपूरू येथे राज्यातील उच्चांकी ३५.६ अंश सेल्सिअस तापमानाची नोंद झाली.
तर अमरावती आणि सोलापूर येथेही कमाल तापमान ३५ अंशांवर पोचले आहे.
राजस्थान आणि परिसरावरील चक्राकार वारे निवळले असून, हिमालयाच्या पश्चिम भागात आजपासून, नव्याने पश्चिमी चक्रावाताचा प्रभाव वाढणार आहे. उत्तर भारतातील राज्यात थंडी ओसरली आहे.
मंगळवारी (ता. ७) पंजाबच्या अमृतसर येथे देशाच्या सपाट भूभागावरील नीचांकी ८.१ अंश सेल्सिअस तापमानाची नोंद झाली. आज (ता.८) उत्तर पश्चिम बंगाल आणि सिक्कीम राज्यात तुरळक ठिकाणी दाट धुके पडण्याची शक्यता आहे.
मंगळवारी (ता. ७) सकाळपर्यंतच्या २४ तासांमध्ये राज्यात विविध ठिकाणी नोंदले गेलेले कमाल तापमान, कंसात किमान तापमान (अंश सेल्सिअस मध्ये) :
पुणे ३४.१ (११.५), जळगाव ३३.७ (१०.०), धुळे ३१.५(१२.५), कोल्हापूर ३३.६(१७.८), महाबळेश्वर २९.२ (१५.४), नाशिक ३१.९ (१२.९), निफाड ३२.५ (८.३), सांगली ३३.८ (१७.२), सातारा ३३.३ (१४.४), सोलापूर ३५.४ (१७.६),
सांताक्रूझ ३१.८ (१८.६), डहाणू २९.६ (१७.५), रत्नागिरी ३३.०(१८.५), औरंगाबाद ३२.२ (१२.६), नांदेड ३३.२ (१६.६), परभणी ३३.५(१५.३), अकोला ३५.० (१४.३), अमरावती ३३.८(१२.५), बुलढाणा ३२.०(१५.८),
ब्रह्मपूरी ३५.६ (१४.३), चंद्रपूर ३२.२(१३.०), गडचिरोली ३१.०(११.८), गोंदिया ३२.८ (१३.२), नागपूर ३२.१ (१३.३), वर्धा ३३.०(१५.४), वाशीम ३३.२ (१६.८), यवतमाळ ३३.५ (१४.५).
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
