Export
ExportAgrowon

Export Business : निर्यातक्षम उद्योग उभारण्यासाठी सुविधा द्याव्यात ः डॉ. तुम्मोड

जिल्ह्यात जमीन, वीज, पाणी आणि मनुष्यबळ मुबलक प्रमाणात उपलब्ध आहे. जिल्ह्यातील या पोषक स्थितीमुळे याठिकाणी अनेक निर्यातक्षम उद्योग उभे राहू शकतात.

बुलडाणा : ‘‘जिल्ह्यात जमीन, वीज, पाणी आणि मनुष्यबळ मुबलक प्रमाणात उपलब्ध आहे. जिल्ह्यातील या पोषक स्थितीमुळे याठिकाणी अनेक निर्यातक्षम उद्योग (Export Business) उभे राहू शकतात. हे उद्योग उभारणीसाठी सुविधा पुरविण्यात याव्यात,’’ असे निर्देश जिल्हाधिकारी डॉ. एच. पी. तुम्मोड यांनी दिले.

Export
Exportable Orchard : निर्यातक्षम फळबागांची नोंदणी करा ः डाबरे

जिल्हाधिकारी कार्यालयात जिल्हा उद्योग मित्र, आजारी उद्योग पुनर्वसन, जिल्हा सल्लागार समिती आणि स्थानिक लोकांना रोजगार समितीची बैठक पार पडली. ते बोलत होते. खामगाव आणि चिखली येथील औद्योगिक वसाहतीमध्ये उद्योगांची जागेची मागणी असल्यामुळे याठिकाणी अतिरिक्त वसाहतीसाठी प्रयत्न करण्यात यावेत.

Export
Vegetable Export : बारामतीत फळे, भाजीपाला निर्यातीचे शेतकऱ्यांना प्रशिक्षण

नवीन वसाहतीसाठी जमिनी घेताना थेट खरेदीद्वारे जमीन घेण्यावर भर द्यावा. या ठिकाणी उद्योगासाठी आवश्यक असणाऱ्या सोयीसुविधा उपलब्ध करून दिल्यास जिल्ह्याचा विकास होण्यास मदत मिळेल. खामगाव येथील उद्योगांना ग्रामपंचायत आणि औद्योगिक विकास महामंडळ या दोघांकडून कराची आकारणी होत आहे. यावर नियमानुसार महामंडळाने करवसुली करून त्यातील ५० टक्के कर हा ग्रामपंचायतीला वितरित करण्याच्या सूचना केल्या.

उद्योगांसाठी वीज आणि पाणी महत्त्वाचे आहे. वीज वारंवार खंडित झाल्यामुळे उत्पादनावर परिणाम होत असल्याने विजेचा पुरवठा अखंडित होण्यासाठी वीज मंडळाने कार्य करावे. तसेच पाण्याची सोय होणे महत्त्वाचे आहे. उद्योगाच्या ठिकाणी सांडपाणी आणि पाण्याचा निचरा होण्यासाठी सुविधा निर्माण करण्यात याव्यात. आजारी उद्योगांसाठी शासकीय योजना आहेत. याचाही लाभ देण्यात यावा. निर्यात वाढविण्यासाठी सहकाऱ्यांना सोबत घेऊन उद्योग उभारणी करावे, असे आवाहनही डॉ. तुम्मोड यांनी केले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com