Tomato Rate : टोमॅटोच्या दरात घसरण

राज्यात विविध ठिकाणी परतीच्या पावसाने हजेरी लावल्याने मोठ्या प्रमाणावर टोमॅटो पिकांचे नुकसान झाले होते.
Tomato Rate
Tomato RateAgrowon

वाशीः राज्यात विविध ठिकाणी परतीच्या पावसाने हजेरी लावल्याने मोठ्या प्रमाणावर टोमॅटो (Tomato Rate) पिकांचे नुकसान झाले होते. यामुळे एपीएमसीत टोमॅटो ४० रुपये किलो, तर किरकोळ बाजारात ५० ते ५५ रुपये किलोपर्यंत दरवाढ झाली होती. मात्र, दिवाळीनंतर हे दर किलोमागे २५ रुपयांनी घसरले असून किरकोळ बाजारात ३० रुपये किलोने टोमॅटोची विक्री होत आहे.

Tomato Rate
Tomato Pest : टोमॅटोवरील टुटा अळीच्या नियंत्रणासाठी करा सामूहिक प्रयत्न

अतिवृष्टीमुळे टोमॅटो नाशिक, सातारा, सांगली आणि पुणे जिल्ह्यात शेतकऱ्यांनी टोमॅटोची केलेली लागवड पाण्याखाली गेली होती. हाती आलेले पीक डोळ्यांदेखत सडू लागले होते. यामुळे मुंबई एपीएमसीला होणारी टोमॅटोची आवक कमी झाली होती. त्यामुळे टोमॅटोचे दर वाढले होते.

एपीएमसीच्या घाऊक बाजारात नेहमी ७० ते ८० गाड्या टोमॅटोची आवक होत होती. ती आवक ३० ते ३५ गाड्यांवर आली होती. यामुळे एपीएमसी घाऊक बाजारात ३५ ते ४० रुपये, तर किरकोळ बाजारात उत्तम प्रतीचा टोमॅटोला ६० ते ६५ आणि दुय्यम प्रतीचा टोमॅटो ५० ते ५५ रुपये ग्राहकांना मोजावे लागत होते.

आवक वाढली...

दिवाळी होताच टोमॅटोची आवक वाढली असून बाजारातील दरही निम्म्यावर आले. एपीएमसीत १८ ते २२, तर किरकोळात ३० रुपये किलोने टोमॅटोची विक्री केली जात आहे. आवक वाढल्यानंतर टोमॅटोचे दर आणखी खाली येतील, अशी शक्यता वर्तवली जात आहे.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com