वाढदिवस साजरा करून फेडले बैलजोडीचे ऋण

बैल घराची श्रीमंती, बैल दाराचे वैभव, बैल शक्‍तीचा सोहळा, माझ्या भक्‍तीचा उत्सव’ अशा शब्दात ज्येष्ठ कवी विठ्ठल वाघ यांनी बैलांच्या श्रमाचे, त्यांच्या महत्तेचे वर्णन केले आहे.
Bull Birthday
Bull BirthdayAgrowon

यवतमाळ ः शेतात राबणाऱ्या लाडक्‍या सर्जा-राजाच्या ऋणातून काही प्रमाणात उतराई होण्यासाठी त्याला पोळ्याच्या आदल्या दिवशी आवतन दिले जाते. तसेच पोळ्याला पाहुणचार देण्याची प्रथा आहे. मात्र नेर येथील एका शेतकऱ्याने चक्‍क आपल्या लाडक्‍या बैलजोडीचा जंगी वर्धापनदिन साजरा केला. रमेश कोपरे (रा. अशोकनगर, नेर) शेतकऱ्याचे नाव आहे.

Bull Birthday
Bailpola : डॉ. पंजाबराव देशमुख कृषी विद्यापीठात बैलपोळा साजरा

‘बैल घराची श्रीमंती, बैल दाराचे वैभव, बैल शक्‍तीचा सोहळा, माझ्या भक्‍तीचा उत्सव’ अशा शब्दात ज्येष्ठ कवी विठ्ठल वाघ यांनी बैलांच्या श्रमाचे, त्यांच्या महत्तेचे वर्णन केले आहे. त्यामुळेच शेतकऱ्यांच्या जीवनात बैलांचे वेगळेच स्थान आहे. घरातील एका सदस्यांप्रमाणेच शेतकरी आपल्या जनावरांकडे लक्ष्य देतो. त्याच्या आहाराकडे, आरोग्याकडे लक्ष्य देतो. त्यातूनच बैलाबद्दल कृतज्ञता व्यक्‍त करण्यासाठी शेतकरी नेहमीच प्रयत्न करीत असतात.

यातूनच कोपरे कुटुंबीयांनी चक्‍क बैलजोडीचा वाढदिवस साजरा केला. घराभोवती विद्यूत रोषणाई करण्यात आली. केक कापून तो बैलांना भरविण्यात आला. त्यापूर्वी कुटुंबातील सदस्यांनी बैलजोडीचे औक्षण केले. त्यांना नैवेद्यही भरविण्यात आला. या सोहळ्यासाठी शेजाऱ्यांनाही आमंत्रण देण्यात आले. सध्या यांत्रिकीकरणामुळे बैलांची संख्या कमी होत आहे. मात्र काही शेतकरी बैलांचे शेतीतील महत्त्व लक्षात घेता त्यांची जोपासना करीत आहेत.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com