Paddy Crop Damage : शेतकऱ्यांना शासनाकडून आर्थिक मदतीची अपेक्षा

शहापूर तालुक्यात गेल्या सात दिवसांपासून दररोज संध्याकाळी पडणाऱ्या मुसळधार पावसामुळे हातातोंडाशी आलेल्या भाताच्या पिकाची नासाडी सुरू झाली आहे.
Paddy
Paddy Agrowon

खर्डी : शहापूर तालुक्यात गेल्या सात दिवसांपासून दररोज संध्याकाळी पडणाऱ्या मुसळधार पावसामुळे (Heavy Rain) हातातोंडाशी आलेल्या भाताच्या पिकाची नासाडी (Paddy Crop Damage) सुरू झाली आहे. त्यामुळे शेतकरी हवालदिल झाले आहेत.

Paddy
Paddy Harvesting : सिंधुदुर्गमध्ये पंधरा दिवसांत अवघी ५ टक्के भातकापणी

भाताच्या धानात पाणी भरत असल्याने भातपीक सडण्याची प्रक्रिया सुरू झाली आहे. त्यामुळे शासनाने ओला दुष्काळ जाहीर करून तात्काळ आर्थिक मदत देण्याची मागणी शेतकरी करीत आहेत.

Paddy
Paddy Harvesting : हंगाम लांबल्याने विक्रीला फटका

तालुक्यात १५ हजार हेक्टरवर भातपिकाची लागवड केली आहे. साधारणपणे दसरा दिवाळीला भातपिकांची कापणी होत असते; परंतु महिन्याभरात दोन दिवसाआड दररोज पाऊस पडत असल्याने काही ठिकाणी कापणी लांबली आहे; तर काही ठिकाणी कापून सुकत ठेवलेल्या लोंब्या वारंवार भिजून सडल्याने शेतकऱ्यांची मेहनत डोळ्यादेखत वाया जात आहे.

३०/३५ टक्के हळवे भात कापणीला आले आहे; तर निमगारवा व गारवा भात उभ्या शेतात रोज भिजत असल्याने सडण्याच्या मार्गावर आहे. सध्या ३० ते ४० टक्के भात शेतकऱ्यांनी कापून ठेवले आहे. पण ते भात सुरक्षित ठिकाणी ठेवले नसल्याने रोज बांधावर भिजत आहे. दिवाळी सण तोंडावर आला असून सण कसा साजरा करायचा, हा प्रश्न शेतकऱ्यांना सतावत आहे.

शेतकऱ्यांनी शेतातील पिकलेल्या भाताच्या लोंब्या कापून सुरक्षित ठिकाणी सुकवायला ठेवल्यास भातपीक हातात येऊ शकते. बांधावर कापलेल्या लोंब्यांवर पाऊस आल्यावर ताडपत्री टाकावी.
विलास घुले, कृषी अधिकारी, शहापूर पंचायत समिती

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com