Lumpy Skin : लसीनंतरही ‘लम्पी स्कीन’ ने रोज ५० जनावरांचा मृत्यू

नगर जिल्ह्यात आतापर्यंत एक हजार ११३ जनावरे दगावली
Lumpy Skin
Lumpy Skin Agrowon

ॲग्रोवन वृत्तसेवा
नगर : जिल्ह्यात ‘लम्पी स्कीन’ (Lumpy Skin) ने बाधित होणाऱ्या जनावरांची संख्या कमी होण्यास तयार नाही. आतापर्यंत जवळपास सर्व जनावरांना लसीकरण (Vaccination) केले आहे. तरीही जिल्ह्यात रोज ५० जनावरांचा मृत्यू होत असल्याचे दिसून येत आहे. आतापर्यंत जिल्ह्यात सुमारे एक हजार ११३ जनावरांचा मृत्यू झाला असल्याचे पशुसंवर्धन (Animal Husbandary) विभागातून सांगण्यात आले.

Lumpy Skin
Lumpy skin : लम्पी स्कीनमुळे शेतकऱ्यांना आर्थिक भुर्दंड

जिल्ह्यात साधारण तीन-चार महिन्यांपासून लम्पी स्किनने बाधित होणाऱ्या जनावरांची संख्या वाढत आहे. बुधवारी (ता.२) एका दिवसात सुमारे ५८१ जनावरांना या आजाराची बाधा झाल्याचे दिसून आले. लम्पी स्कीनची जनावरांना होणारी बाधा रोखण्यासाठी पशुसंवर्धन विभागाने आत्तापर्यंत सुमारे पंधरा लाख जनावरांना लसीकरण केले. मात्र त्यानंतरही बाधित जनावरांची संख्या कमी होत नसल्याची स्थिती आहे. दररोज लम्पी स्कीनमुळे सुमारे ५० पेक्षा अधिक जनावरांचा मृत्यू होत असल्याचे दिसून येत आहे.

जिल्ह्यात आतापर्यंत प्रादुर्भावग्रस्त जनावरांची संख्या १७  हजार ८५५ झाली आहे. मृतांचा आकडा १ हजार १३३ इतका झाला आहे. जिल्ह्यात १६ लाखांच्या जवळपास गायी, म्हशी आणि बैलांची संख्या आहे. यातील १४ लाख ९८ हजार जनावरांचे लसीकरण पूर्ण झाले आहे. गुरुवारी (ता.३) जिल्ह्यातील २१९ गावांत लम्पी स्कीनचा उद्रेक झाला. चार महिन्यांपासून पुढील वयाच्या वासरांना लसीकरण करण्याचे काम सुरू आहे.

Lumpy Skin
Lumpy Skin : ‘लम्पी स्कीन’ मुळे १०४ जनावरांचा मृत्यू

पशुसंवर्धन आयुक्तांकडून पाहणी
जिल्ह्यामध्ये जोरदार झालेल्या पावसानंतर लम्पी स्कीनचा प्रादुर्भाव होणाऱ्या आणि त्यातून मृत्यू होणाऱ्या जनावरांची संख्या वाढत असल्याचे पशुसंवर्धन विभागाच्या निदर्शनास आले आहे. पशुसंवर्धन आयुक्तांनी या बाबत पारनेर आणि संगमनेर तालुक्यात जाऊन निरीक्षण केले आहे. सर्व उपाययोजना केल्या जात असल्याचे पशुसंवर्धन विभागाकडून सांगण्यात येत असले, तरी जनावरांचे मृत्यू होत असल्याने पशुपालक हतबल झाले आहेत.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com