Agricultural University : विद्यापीठाच्या संशोधनात शेतकऱ्यांना सहभागी करून घेणार : कुलगुरू डॉ.‌ मणी

शेतकऱ्यांना कृषी विद्यापीठाच्या संशोधनात सहभागी करून घेणार आहोत, असे प्रतिपादन वसंतराव नाईक मराठवाडा कृषी विद्यापीठाचे कुलगुरू डॉ. ‌इंद्र मणी यांनी केले.
Vasantrao Naik Agriculture University
Vasantrao Naik Agriculture UniversityAgrowon

परभणी : अनेक शेतकरी हे संशोधक (Agricultural Researcher) आहेत. अनुभवाच्‍या आधारे अनेक शेतकऱ्यांनी कृषी तंत्रज्ञान (Agricultural Technology) विकसित केले आहे. या शेतकऱ्यांना कृषी विद्यापीठाच्या (Agricultural University )संशोधनात सहभागी करून घेणार आहोत, असे प्रतिपादन वसंतराव नाईक मराठवाडा कृषी विद्यापीठाचे (Vasantrao Naik Marathwada University) कुलगुरू डॉ. ‌इंद्र मणी (Dr. Indra Mani) यांनी केले.

सायाळा खटिंग (ता. परभणी) येथील शेतकरी शिवाजी खटिंग यांनी या दादा लाड तंत्रज्ञानाचा अवलंब करून लागवड केलेल्या कापूस प्रक्षेत्रास गुरुवारी (ता. १५) डॉ. इंद्र मणी यांनी भेट देऊन पाहणी केली. या वेळी दादा लाड, विस्‍तार शिक्षण संचालक डॉ. देवराव देवसरकर, डॉ. केदार खटिंग, शिवाजी खटिंग आदींसह गावातील अनेक शेतकरी उपस्थित होते.

डॉ. इंद्र मणी म्‍हणाले, की दादा लाड यांचे कापसातील तंत्रज्ञान निश्‍चितच चांगले असून, या तंत्रज्ञानाचा विद्यापीठ संशोधनात समाविष्ट करण्‍यात येऊन शेतकऱ्यांपर्यंत पोहोचविण्याचा विद्यापीठाचा प्रयत्‍न राहणार आहे. दादा लाड म्‍हणाले, की कपाशीच्या पिकांतील दोन झाडे आणि दोन ओळीतील अंतर कमी करून झाडांची संख्‍या योग्‍य राखणे आवश्‍यक आहे.

झाडाच्या खालच्या गळफांद्या काढल्याने दाटी कमी होते. गळफांद्या काढल्यावर खोड शेंड्यापर्यंत जाड बनते. गळफांद्या काढल्याने बोंडाचा आकार मोठा होण्‍यास मदत होते. एकरी झाडांची संख्या वाढल्याने उत्पादनात वाढ होते. डॉ. देवसरकर म्‍हणाले, की दादा लाड यांचे तंत्रज्ञान पद्धतीत एकरी झाडांची संख्‍या योग्‍य राखल्‍यामुळे कापूस उत्‍पादनात वाढ होते, असेही ते म्हणाले.

डॉ. देवसरकर म्‍हणाले, की दादा लाड यांचे तंत्रज्ञान पद्धतीत एकरी झाडांची संख्‍या योग्‍य राखल्‍यामुळे कापूस उत्‍पादनात वाढ होते, असेही ते म्हणाले.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com