Nashik News येथील कांदा उत्पादक शेतकरी (Onion Producer Farmer) भाऊलाल कुडके यांनी लागवडीसाठी वापरलेले कांदा बियाणे (Onion Seed) सदोष निघाल्याचे समोर आले आहे. त्यामुळे त्यांनी बियाणे कंपनीकडून नुकसान भरपाई मिळविण्यासाठी ग्राहक न्यायालयात धाव घेतली आहे.
श्री. कुडके यांनी उन्हाळ कांदा लागवडीसाठी चितेगाव येथील कांदा संशोधन केंद्राचे राष्ट्रीय फलोत्पादन संशोधन व विकास प्रतिष्ठान (एनएचआरडीएफ) यांनी विकसित केलेले ‘रेड-३’ या वाणाचे बियाणे येवला येथील कंपनीचे अधिकृत विक्रेते नंदा सीड्स यांच्याकडून खरेदी केले होते. त्याची कांदा रोपे तयार करून २८ नोव्हेंबर २०२२ रोजी येथील गट क्रमांक १७०८ मध्ये ३० गुंठे क्षेत्रात लागवड केली.
पुढील टप्प्यात पिकांचे संगोपन, खत, पाणी व्यवस्थापन योग्य होते. पण जेव्हा कांदा गाठ बांधायला लागला, तेव्हा संपूर्ण कांदा लागवड केलेल्या क्षेत्रात डेंगळे दिसायला लागले. कांदा उपटून पाहिला असता तो जोड दिसला.
काही कांद्यांना तर दोन-तीन फनगडे दिसले. त्यावर तत्काळ कुडके यांनी बियाणे खरेदी केलेल्या येवला येथील नंदा सीड्स दुकानात तक्रार केली. त्यानंतर येवला पंचायत समितीच्या कृषी अधिकाऱ्यांकडे तक्रार करण्यात आली.
दरम्यान, उपविभागीय कृषी अधिकारी संजय सूर्यवंशी, महात्मा फुले कृषी विद्यापीठाच्या पिंपळगाव बसवंत येथील द्राक्ष व कांदा संशोधन केंद्राचे डॉ. आर. बी. सोनवणे, येवला पंचायत समितीचे यू. बी. सूर्यवंशी यांनी पिकाची पाहणी केली.
या क्षेत्रात मोठ्या प्रमाणात कांदा जोड व डेंगळे असल्याचे त्यांना आढळून आले. त्यावर समितीने पीक पंचनामा करून त्याची प्रतही कुडके यांनी दिली. त्या आधारे कुडके यांनी ग्राहक न्यायालयात नुकसान भरपाईसाठी धाव घेतली आहे.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
