Pomegranate Crop Insurance : डाळिंब पीकविम्यात शेतकऱ्यांनी सहभाग घ्यावा

पंतप्रधान पीक विमा योजनेअंतर्गत पुनर्रचित हवामान आधारित फळपीक विमा योजना, (अंबिया बहार) २०२२-२३ या योजनेत डाळिंब पिकाचा समावेश आहे.
pomegranate Market
pomegranate Market Agrowon

सांगली ः पंतप्रधान पीक विमा योजनेअंतर्गत (Crop Insurance Scheme) पुनर्रचित हवामान आधारित फळपीक विमा योजना (Fruit Crop Insurance), (अंबिया बहार) २०२२-२३ या योजनेत डाळिंब पिकाचा (Pomegranate Crop) समावेश आहे. या योजनेअंतर्गत अंबिया बहारमध्ये कर्जदार व बिगर कर्जदार शेतकरी यांना विमा बँकाकडे डाळिंब फळपिकासाठी प्रस्ताव सादर करण्याची अंतिम मुदत १४ जानेवारीपर्यंत आहे.

pomegranate Market
Pomegranate Export : देशातून डाळिंब निर्यातीसाठी चार हजार शेतकऱ्यांची नोंदणी

शेतकऱ्यांनी डाळिंब पिकाचा विमा घ्यावा, असे आवाहन जिल्हा अधीक्षक कृषी अधिकारी प्रकाश सूर्यवंशी यांनी केले. डाळिंब पीक विमा मुबईतील एचडीएफसी एर्गो जनरल इन्शुरन्स कंपनी लिमिटेड या कंपनीमार्फत जिल्ह्यात करण्यात येत आहे. डाळिंब फळपिकासाठी विमा संरक्षित रक्कम १ लाख ३० हजार रुपये आहे.

pomegranate Market
Crop Insurance : रब्बी पीकविम्याचे ४२ हजार प्रस्ताव

शेतकरी हिस्सा १३ हजार रुपये आहे. विमा संरक्षण कालावधी अवेळी पाऊस यासाठी १५ जानेवारी २०२३ ते ३१ मे २०२३, जादा तापमान १५ एप्रिल २०२३ ते ३१ मे २०२३, जास्त पाऊस १ जून २०२३ ते ३१ जुलै २०२३ आहे. गारपीटसाठी विमा संरक्षित रक्कम ४३ हजार ३३३ रूपये असून विमा हप्त्यात शेतकरी हिस्सा ६ हजार ५०० रुपये आहे. गारपीटसाठी ‍विमा संरक्षण कालावधी १ जानेवारी २०२३ ते ३० एप्रिल २०२३ आहे.

या योजनेमध्ये डाळिंब फळपिकासाठी अधिसूचित महसूल मंडळाची संख्या ३१ आहे. या योजनेत शेतकऱ्यांचा सहभाग ऐच्छिक आहे. त्यामुळे विमा घेण्यासाठी कर्जदार व बिगर कर्जदार शेतकऱ्यांनी आपले बँक खाते असणाऱ्या जवळच्या प्राधिकृत बँका/प्राथमिक कृषी पतपुरवठा सहकारी संस्था/संबंधित विमा कंपनीशी संपर्क साधून कागदपत्रांसह वेळेत प्रस्ताव जमा करावेत.

तसेच बिगर कर्जदार फळपीक उत्पादक शेतकरी यांनी आपले सरकार सेवा केंद्राशी संपर्क करून सहभाग नोंदवावा. योजनेच्या अधिक माहितीसाठी नजीकच्या कृषी विभाग कार्यालयाशी संपर्क साधावा, असे आवाहनही सूर्यवंशी यांनी केले.

आवश्‍यक कागदपत्रे ः

सातबारा, खाते उतारा

आधार कार्ड

बँक खात्याचे तपशील

घोषणापत्र

बागेबाबत छायाचित्र अक्षांश-रेखांश पत्र

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
logo
Agrowon
www.agrowon.com