Weather Update : राज्यात पावसाला पोषक हवामान

Weather Update News पुणे : उन्हाचा चटका (Heat) वाढला असतानाच राज्यात पावसाला पोषक हवामान होत आहे. उद्या (ता. ४) मध्य महाराष्ट्रात तुरळक ठिकाणी हलक्या ते मध्यम पावसाची शक्यता (Rain Forecast) आहे.

तर रविवारपासून (ता. ५) राज्याच्या विविध भागात हलक्या ते मध्यम पावसाचा अंदाज हवामान विभागाने (Weather Department) वर्तवला आहे. यातच राज्यात उन्हाचा चटका देखील कायम राहणार आहे.

राज्यात उन्हाळा हंगामाला सुरूवात झाली आहे. फेब्रुवारी महिन्याच्या मध्यापासून राज्यात उन्हाचा चटका वाढू लागला. कमाल तापमानात सातत्याने वाढ होत असल्याने झळाही वाढत आहेत.

गुरूवारी (ता. २) सकाळपर्यंतच्या २४ तासांमध्ये ब्रह्मपूरी येथे देशातील उच्चांकी ३७.८ अंश तापमानाची नोंद झाली.

तर अकोला येथे ३७.५ अंश सेल्सिअस, सोलापूर, बुलढाणा, वाशीम, अमरावती, चंद्रपूर येथे ३६ अंश सेल्सिअस तापमानाची नोंद झाली आहे.

दरम्यान राज्याच्या किमान तापमानात सातत्याने वाढ होतच आहे. गुरूवारी (ता. २) राज्यात जवळपास सर्वच ठिकाणी किमान तापमानाचा पारा १२ अंशांच्या पुढे असल्याने थंडी ओसरली आहे.

यातच उद्या (ता. ४) पश्चिम मध्य प्रदेशात विजांसह पावसाची शक्यता आहे. मध्य महाराष्ट्रात तुरळक ठिकाणी हलक्या ते मध्यम पावसाची शक्यता आहे.

गुरूवारी (ता. २) सकाळपर्यंतच्या २४ तासांमध्ये राज्यात विविध ठिकाणी नोंदले गेलेले कमाल तापमान, कंसात किमान तापमान (अंश सेल्सिअस मध्ये) :

पुणे ३४.६ (१४.६), जळगाव ३५.५ (१६.०), कोल्हापूर ३३.४ (१९.९), महाबळेश्वर २९.७ (१६.४), नाशिक ३४.३ (१५.८), निफाड ३३.०(१२.०), सांगली ३५.० (१९.९), सातारा ३३.८ (१६.७), सोलापूर ३६.२ (१८.७),

सांताक्रूझ ३३.५ (२१.६), डहाणू ३२.२ (२१.०), रत्नागिरी ३५.३ (२२.३), छत्रपती संभाजीनगर ३४.० (१४.७), नांदेड ३५.८ (१९.२), परभणी ३५.९(१७.५), अकोला ३७.५ (१९.८), अमरावती ३६.०(१८.७), बुलढाणा ३६.२(२०.८),

ब्रह्मपूरी ३७.८ (१९.५), चंद्रपूर ३६.० (२०.०), गडचिरोली ३४.०(१५.८), गोंदिया ३४.२ (१७.६), नागपूर ३४.८ (१८.४), वर्धा ३५.९(१९.५), वाशीम ३६.२ (१८.०), यवतमाळ ३५.७ (१९.०).