Fish Dead in Panchganga: पंचगंगेत मृत माशांचा खच

पंचगंगा नदी पात्रामध्ये वळिवडे (ता. करवीर) येथे मृत माशांचा खच पडला आहे. दोन दिवसांपासून पात्रात मृत मासे तरंगत आहेत.
Fish Dead in Panchganga River
Fish Dead in Panchganga RiverAgrowon

गांधीनगर, जि. कोल्हापूर ः पंचगंगा नदी (Panchganga River) पात्रामध्ये वळिवडे (ता. करवीर) येथे मृत माशांचा (Dead Fish) खच पडला आहे. दोन दिवसांपासून पात्रात मृत मासे तरंगत आहेत. यामुळे परिसरात दुर्गंधी सुटली आहे. नदीतील मासे कोणत्या कारणामुळे मृत झाले आहेत, ते अद्याप स्पष्ट झालेले नाही.

Fish Dead in Panchganga River
Fish Farming : बायोफ्लॉक : आधुनिक मत्स्यपालनाचे तंत्र

दोन दिवसांपासून मृत मासे तरंगत आहेत. नदीकाठावर मासेमारी करण्यासाठी आलेले लोक मासेमारी न करताच परत गेले. नदीकाठावर शेती, अंघोळ आणि इतर कारणासाठी येत असलेले लोक या दुर्गंधीमुळे त्रस्त झाले आहेत.

Fish Dead in Panchganga River
Fish Farming : स्थानिक मत्स्यजाती संवर्धनासाठी ‘वसुंधरा‘संस्थेचा पुढाकार

मागील तीन वर्षांपासून दरवर्षी मासे मृत होण्याचा प्रकार घडत आहे. नदीमध्ये धरणातील पाणी सोडले तर हे मृत मासे प्रवाहासोबत पुढे जातीलही; परंतु दरवर्षी होणाऱ्या या प्रकारामुळे मच्छीमार, नदीकाठावरील शेतकरी आणि ग्रामस्थ त्रस्त आहेत. राज्य प्रदूषण नियंत्रण मंडळाने या प्रकाराकडे गांभीर्याने लक्ष देण्याची गरज आहे.

बहुतांश ठिकाणी एकाच प्रकारचे मासे मेले आहेत. आज दिवसभरात वेगवेगळ्या ठिकाणचे पाण्याचे नमुने संकलित केले आहेत. मासे मृत होण्यास जबाबदार असणाऱ्या घटकांवर कडक कारवाई करण्यात येईल.

- जगन्नाथ साळुंखे, प्रादेशिक अधिकारी, राज्य प्रदूषण नियंत्रण मंडळ, कोल्हापूर.

दररोजच्या खर्चासाठी नदीचे पाणी वापरले जाते. नदीमध्ये मासे मेल्यामुळे पाणी प्रदूषित झाले आहेत. यामुळे पुढील तीन ते चार दिवस पाणी वापरता येणार नाही. प्रशासनाने संबंधित घटकांवर कारवाई करावी आणि येथून पुढे असा प्रकार घडू नये, याची खबरदारी घ्यावी.

- रूपाली कुसाळे, लोकनियुक्त सरपंच, वळिवडे

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com