Maharashtra Politics : काँग्रेसचे चार माजी आमदार करणार शिंदे गटात प्रवेश

नवरात्रीत धमाका करण्याचा बेत फसला असला तरी मुख्यमंत्री एकनाथ शिंदे गट हिवाळी अधिवेशनात मोठा बार उडवण्याच्या तयारीत आहे. विदर्भातील काँग्रेसचे चार माजी आमदार आणि उद्धव ठाकरे यांच्या युवा सेनेचे आठ जिल्हा प्रमुख बाळासाहेबांच्या शिवसेनेत दाखल होणार आहेत.
Winter Session
Winter Session Agrowon

नागपूर ः नवरात्रीत धमाका करण्याचा बेत फसला असला तरी मुख्यमंत्री एकनाथ शिंदे गट हिवाळी अधिवेशनात (Maharashtra Assemble Winter Session 2022) मोठा बार उडवण्याच्या तयारीत आहे. विदर्भातील काँग्रेसचे चार माजी आमदार आणि उद्धव ठाकरे (Udhhav Thackeray0 यांच्या युवा सेनेचे आठ जिल्हा प्रमुख बाळासाहेबांच्या शिवसेनेत दाखल होणार आहेत. रामटेकचे खासदार कृपाल तुमाने यांनी या वृत्ताला दुजोरा दिला आहे.

Winter Session
Onion Cultivation : रोपांच्या टंचाईमुळे उन्हाळ कांद्याच्या तुरळक लागवडी

शनिवारी (ता.१२) मुख्यमंत्री एकनाथ शिंदे विदर्भात असून गोसेखुर्द प्रकल्पाचा आढावा घेणार आहेत. या माध्यमातून ते पक्षात येणाऱ्या कार्यकर्त्यांची चाचपणी करणार असल्याचे समजते. युवा सेनेचे प्रमुख माजी मंत्री आदित्य ठाकरे यांनीसुद्धा विदर्भाच्या दौऱ्याचा बेत आखला आहे. त्यांचा विदर्भातील प्रवेश रोखण्यासाठी युवा सेनेलाच सुरुंग लावण्यात येणार आहे.

युवासेनेच्या पदाधिकाऱ्यांच्या पाठोपाठ विदर्भातील आठ जिल्हा प्रमुख बाळासाहेबांची शिवसेना पक्षात येतील. हा प्रवेश हिवाळी अधिवेशनाच्या दरम्यान मुख्यमंत्री शिंदेंच्या नेतृत्त्वात होणाऱ्या मेळाव्यात होईल. काँग्रेसचे चार माजी आमदारही संपर्कात आहेत. तेही याचवेळी प्रवेश करतील, असे तुमाने यांनी सांगितले.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com