Kolhapur News : कोल्हापूर जिल्हा सहकारी दूध उत्पादक (गोकुळ) संघाचे चाचणी लेखापरीक्षण सुरू असताना विश्वास पाटील यांनी राजीनामा दिला गेला आहे. त्यामुळे राज्यभरात उलट सुलट चर्चा सुरू झाली आहे.
कोल्हापूर जिल्ह्याचे राजकारण नेहमीच गोकुळ दुध संघाभोवती फिरते. माजी आमदार महादेवराव महाडिक यांनी गेली 30 वर्षं गोकुळ संस्थेवर सत्ता राखत जिल्ह्याच्या राजकारणात आपली पकड मजबूत केली होती. दरम्यान काॅंग्रेसचे आमदार सतेज पाटील, आमदार विनय कोरे, आमदार हसन मुश्रीफ, खासदार संजय मंडलिक यांनी एकत्र गोकुल आपल्या ताब्यात घेतले.
सत्तांतरानंतरही गोकुळ दुध संघामध्ये पाटील विरुध्द महाडिक गट असा संघर्ष पहायला मिळत आहे. महाडिक गटाच्या संचालिका शौमिका महाडिक यांनी गोकुळ संघाचे लेखापरीक्षण करण्याची मागणी केली होती. त्यानुसार राज्य सरकारने चौकशीचे आदेश दिले होते. त्यानुसार गोकुळवर चौकशीची टांगती तलावरही आहे.
त्याचवेळी गोकुळ संघाचे अध्यक्ष विश्वास पाटील यांनाचा दोन वर्षांचा कार्यकाळ पुर्ण झाल्याने त्यांनी राजीनामा दिला. नुकतीच आमदार सतेज पाटील, आमदार विनय कोरे, आमदार हसन मुश्रीफ, खासदार संजय मंडलिक यांच्यामध्ये बैठक झाली. त्यानंतर विश्वास पाटील यांचा राजीनामा संचालक मंडळाने मंजूर केला. येत्या 25 मे रोजी गाेकुळच्या नूतन अध्यक्षांची निवड केली जाणार आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
