Paddy : पेंढ्यांचे दर वधारल्याची शेतकऱ्यांना ‘आनंदवार्ता’

डहाणू तालुक्यात भातशेतीबरोबरच माळरानात शेतामध्ये गवतही मोठ्या प्रमाणात उगवते.
Paddy
Paddy Agrowon

कासा : डहाणू तालुक्यात भातशेतीबरोबरच (Paddy Farming) माळरानात शेतामध्ये गवतही मोठ्या प्रमाणात उगवते. शेतकरी, शेतमजूर हे गवत व त्याचबरोबर भातझोडपणी (Paddy Harvesting) करून राहत असलेल्या पेंढ्यांची (पाओलीची) विक्री करून आपल्या कुटुंबाचा उदरनिर्वाह चालवतात. अशात या पेंढ्यांच्या दरात गेल्या वर्षीच्या तुलनेत वाढ झाल्याने शेतकरी सुखावला आहे. कारण शेतकऱ्यांना भातपिकासोबत पेंढ्याच्या स्वरूपात अतिरिक्त उत्पन्न मिळणार आहे. यंदा हा दर प्रतिक्विंटल दोन हजार ते २१०० रुपये इतका आहे.

Paddy
Crop Damage Compensation : मिळालेली भरपाईची मदत ‘ना थरीची, ना भरीची’

पालघर जिल्ह्यातील डहाणू तालुका हा गवत-पेंढा खरेदीचे कोठार अशी ओळख आहे. तालुक्यात अनेक वर्षांपासून गवत- खरेदीचा व्यवसाय मोठ्या प्रमाणात केला जात आहे. वाडा, जव्हार, पालघर, डहाणू तालुक्यांतून मोठ्या प्रमाणात शेतकरी पेंढा विकण्यासाठी तालुक्यातील वखारीत आणतात. गेल्या वर्षी तालुक्यात २५ वखारी सुरू होत्या. या वर्षी त्याची संख्या कमी होऊन आठ इतकी झाली आहे. पावसाळ्यात या पेंढ्याला मोठी मागणी व योग्य भाव असल्यास वखारीमालक मुंबई, गुजरात येथील तबेल्यांमध्ये त्याची विक्री करतात.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com