Farmer Suicide : शेतकरी आत्महत्या वाढविणे हे सरकारचे धोरण ः दानवे

आत्महत्यामुक्‍त राज्य करू, असे अभिवचन देणारे सरकार आता शेतकरी आत्महत्या वाढविण्याचे धोरण राबवीत आहे,’’ असा आरोप विधान परिषदेचे विरोध पक्षनेते अंबादास दानवे यांनी केला.
Ambadas Danve
Ambadas DanveAgrowon

भंडारा ः ‘‘आत्महत्यामुक्‍त राज्य (Farmer Suicide Free State) करू, असे अभिवचन देणारे सरकार आता शेतकरी आत्महत्या (Farmer Suicide) वाढविण्याचे धोरण राबवीत आहे,’’ असा आरोप विधान परिषदेचे विरोध पक्षनेते अंबादास दानवे (Ambadas Danve) यांनी केला.

Ambadas Danve
Farmer Strike : ‘अतिवृष्टिबाधित शेतकऱ्यांना सरसकट मदत द्यावी’

भंडारा जिल्ह्यातील पवनी तालुक्‍यातील कोंढा कोसरा परिसरात अतिवृष्टी व शेतकरी आत्महत्याग्रस्त कुटुंबाची दानवे यांनी भेट घेतली. त्यानंतर भंडारा येथे आयोजित पत्रकार परिषदेत ते बोलत होते. या वेळी शिवसेनेचे वरिष्ठ पदाधिकारी नरेश डहारे, जिल्हाप्रमुख संजय रेहपांडे आदी उपस्थित होते.

दानवे म्हणाले, ‘‘भंडारा जिल्ह्यात शेतकरी आत्महत्येचे प्रमाण वाढत आहे. अतिवृष्टी, पुरामुळे धानपीक अक्षरशः सडून गेले आहे. आजही शेतशिवारात दोन ते तीन फूट पाणी साचले आहे. परंतु हे सरकार झोपल्याचे सोंग घेऊन आहे.

Ambadas Danve
Farmer Suicide : शेतीपूरक व्यवसायातून थांबतील शेतकरी आत्महत्या

शेतकरी आत्महत्या वाढत असताना कृषिमंत्री फक्‍त घोषणा करून मोकळे होत आहेत. कृषिमंत्र्यांनी तीन हजार कोटी रुपयांची मदत जाहीर केली. मात्र लाभार्थ्यांच्या खात्यात तीन रुपयेही आले नाहीत.’’

‘सरकार सर्वच स्तरावर फेल’

‘‘नुकसानग्रस्तांना मदत करण्याऐवजी वेळ मारुन नेली जात आहे. राज्यात सर्वत्र अशीच स्थिती आहे. ठाकरे सरकारशी गद्दारी करून स्थापन केलेले हे सरकार सर्वच स्तरावर सपशेल फेल ठरले आहे,’’ असा टोला दानवे यांनी लगावला. ‘‘राज्यात गत अडीच महिन्यात शेतकरी आत्महत्यांचे प्रमाण वाढले आहे. असे असताना राज्यात सरकार आहे की नाही, अशी स्थिती आहे,’’ अशी टीका देखील त्यांनी केली.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com