Primary Health Centre : किन्हवलीला ग्रामीण रुग्णालयाचा दर्जा द्या

किन्हवली येथील प्राथमिक आरोग्य केंद्रास ग्रामीण रुग्णालयाचा दर्जा मिळावा यासाठी शहापूरचे माजी आमदार पांडुरंग बरोरा यांनी आरोग्य व कुटुंब कल्याण मंत्री डॉ. तानाजी सावंत यांची भेट घेऊन निवेदन दिले.
Primary Health Centre
Primary Health CentreAgrowon

किन्हवली : किन्हवली येथील प्राथमिक आरोग्य केंद्रास (Primary Health Centre) ग्रामीण रुग्णालयाचा दर्जा मिळावा यासाठी शहापूरचे माजी आमदार पांडुरंग बरोरा यांनी आरोग्य व कुटुंब कल्याण मंत्री डॉ. तानाजी सावंत यांची भेट घेऊन निवेदन दिले.

Primary Health Centre
Farmer CIBIL : शेती कर्जासाठी सीबीलची अट नकोच

शहापूर तालुक्यातील साधारण ४० गाव-खेड्यांसाठी महत्त्वाची बाजारपेठ असलेल्या किन्हवली येथे प्राथमिक आरोग्य केंद्राची नव्याने प्रशस्त व सुसज्ज अशी इमारत साकारली आहे. या आरोग्य केंद्रांतर्गत खरीवली (सो), अस्नोली, मुगाव व अल्याणी उपकेंद्रांचा समावेश होतो. दुर्गम भागातील या आरोग्य केंद्रावर अवलंबून असलेल्या रुग्णांची संख्या मोठी आहे. आरोग्य केंद्राचा दर्जा असल्यामुळे येथे डॉक्टर व आरोग्य कर्मचाऱ्यांची संख्या अपुरी आहे.

किन्हवली आरोग्य केंद्रापासून शहापूरचे उपजिल्हा रुग्णालय सुमारे २७ किलोमीटर अंतरावर आहे. रात्री-अपरात्री गरोदर माता, अपघातग्रस्त, विंचू व सर्पदंश रुग्ण तसेच आपत्कालीन परिस्थितीतील रुग्णांना योग्य वेळी उपचार मिळत नसल्याने गंभीर परिस्थिती निर्माण होते. ग्रामीण भागातील रुग्णांना वेळेवर उपचार मिळावे म्हणून किन्हवली प्राथमिक आरोग्य केंद्रास ग्रामीण रुग्णालयाचा दर्जा मिळावा, अशी मागणी माजी आमदार पांडुरंग बरोरा यांनी आरोग्य व कुटुंब कल्याण मंत्री डॉ. तानाजी सावंत यांची नुकतीच मंत्रालयातील दालनात भेट घेऊन त्यांना निवेदनाद्वारे मागणी केली.

Primary Health Centre
Crop Insurance : विमा कंपन्यांकडे दीड लाख शेतकऱ्यांच्या नुकसानीच्या तक्रारी

२०१७ पासूनच्या मागणीकडे दुर्लक्ष

यापूर्वी ऑक्टोबर २०१७ ला कोकण विभाग पत्रकार संघाने तत्कालीन आरोग्यमंत्री डॉ. दीपक सावंत यांच्याकडे आणि राष्ट्रवादी महिला काँग्रेसच्या जिल्हाध्यक्ष विद्या वेखंडे यांनी २०२० मध्ये तत्कालीन आरोग्यमंत्री राजेश टोपे यांच्याकडे मागणी केली होती.

ठाणे जिल्हा परिषदेच्या किन्हवली गटाच्या सदस्या कांचन साबळे यांनीही सर्वसाधारण सभेत किन्हवली आरोग्य केंद्राला ग्रामीण रुग्णालयाचा दर्जा मिळावा असा ठराव करून घेतला आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com