Agrowon Exhibition 2023 : निर्यातक्षम आंबा उत्पादनासाठी गटशेती फायद्याची

‘फायदेशीर गटशेती, केसर आंबा उत्पादनवाढ या विषयावरील चर्चासत्रातील सूर
Agrowon Exhibition 2023
Agrowon Exhibition 2023 Agrowon

टीम अॅग्रोवन
औरंगाबाद ः शेतीमालावर प्रक्रियेपेक्षा एकरी उत्पादकता वाढत नाही, तोपर्यंत जगाशी स्पर्धा करता येणार नाही. गटशेतीव्दारे (Group Farming) शेतकऱ्यांमध्ये आधुनिक तंत्रज्ञानाचा प्रसार होत आहे.

परिणामी, आंबा तसेच अन्य पिकांच्या उत्पादकता वाढीसाठी मदत होते. निर्यातक्षम आंबा (Exportable Mango Production) उत्पादनासाठी शेतकऱ्यांनी गट शेती करण्याची गरज आहे,

असा सूर ‘फायदेशीर गटशेती, केसर आंबा उत्पादनवाढ’ या विषयावरील चर्चासत्रात शुक्रवारी (ता.१३) उमटला.

Agrowon Exhibition 2023
Krushik Exhibition 2023 : ऑक्सफर्ड’ची ज्ञानगंगा मऱ्हाटी अंगणी

‘सकाळ-अॅग्रोवन’च्या कृषी प्रदर्शनात आयोजित या चर्चासत्रात फलोत्पादन तज्ज्ञ तथा गटशेतीचे प्रवर्तक डॉ.

भगवानराव कापसे, नागलगाव (जि. लातूर) येथील आंबा उत्पादक शेतकरी तानाजी वाडीकर सहभागी झाले. ‘अॅग्रोवन’चे संपादक-संचालक आदिनाथ चव्हाण यांनी पाहुण्यांचे स्वागत केले.

Agrowon Exhibition 2023
Agrowon Agriculture Exhibition : ‘ॲग्रोवन’ कृषी प्रदर्शनात ज्ञानाचा जागर

डॉ. कापसे म्हणाले, ‘‘गटशेती प्रकल्पाव्दारे आधुनिक लागवडीचे तंत्रज्ञान शेतकऱ्यांपर्यंत पोहचवल्यामुळे कापसाची उत्पादकता वाढली.

माती तपासणी, दर्जेदार बियाणे, बीज प्रक्रिया आदी तंत्रासह योग्य व्यवस्थापनातून सोयाबीनच्या उत्पादकतेत एकरी १३ क्विंटलपर्यंत वाढ झाली.

नवीन तंत्रज्ञानामुळे आंब्याचे तीन वर्षांत उत्पादन सुरु होत आहे. दुसऱ्या वर्षी उत्पादन घेतले, तर वाढीवर परिणाम होतो.

उत्पादनाच्या बाबतीत द्राक्षापेक्षा आंबा किफायतशीर ठरत आहे. त्यामुळे अनेक शेतकरी द्राक्ष काढून आंबा उत्पादन घेत आहेत.

महाकेसर आंबा बागायदार संघ स्थापन केला आहे. द्राक्षात ७० टक्के तर आंब्यात ९५ टक्के निर्यातक्षम आंबा उत्पादन शक्य आहे.’’

वाडीकर म्हणाले, ‘‘माळरानावर डाळिंब लागवड केली. परंतु अतिपावसामुळे डाळिंबाचे नुकसान झाले. त्यामुळे आंबा लागवडीकडे वळलो.

काटेकोर व्यवस्थापनातून उत्पादकता वाढली. निर्यातक्षम आंबा उत्पादन घेत आहे. हापूसच्या आधी केसर आंबा बाजारपेठेत दाखल झाला, तर शेतकऱ्यांना अधिक फायदा होतो.’’

Agrowon Exhibition 2023
Agrowon Agri Exhibition : ‘अॅग्रोवन’ कृषी प्रदर्शनाची जय्यत तयारी


प्रयोगशील युवा शेतकऱ्यांचा सन्मान
‘अॅग्रोवन स्मार्ट युवा शेतकरी’ पुरस्काराचे वितरण ‘अॅग्रोवन’चे संपादक-संचालक आदिनाथ चव्हाण, फलोत्पादन तज्ज्ञ डॉ. भगवानराव कापसे यांच्या हस्ते करण्यात आला.

त्यात संभाजी गायकवाड (मिरखेल, ता. जि. परभणी), राधेश्याम खुडे (बोरगव्हाण, ता. पाथरी, जि. परभणी), सचिन निरस (पडेगाव, ता. गंगाखेड, जि. परभणी), रेणुका देशमुख (लोहगाव, ता. परभणी, जि. परभणी), बापूराव राठोड (ब्राम्हणगाव, ता. जिंतूर, जि. परभणी), राहुल कव्हर (ताकतोडा, ता. सेनगाव, जि. हिंगोली), पंकज अडकिणे (डोंगरकडा, ता. कळमनुरी, जि. हिंगोली), रेखा गावंडे (वांझोळा, ता. हिंगोली), सोपान शिंदे (पांगरा शिंदे, ता. वसमत, जि. हिंगोली), विश्वनाथ होळगे (दापशेड, ता. लोहा, जि. नांदेड), भगवान इंगोले (मालेगाव, ता. अर्धापूर, जि. नांदेड), संगीता इंगळे (लहान, ता. अर्धापूर, जि. नांदेड), डॉ. सत्यभामा जाधव, राजेश्वर हळदे (आलूर, ता. देगलूर, जि. नांदेड), बालाजी उपवार (बारड, ता. मुदखेड, जि. नांदेड)

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com