Agriculture Income Wardha : शेतीमधील जोखीम कमी करण्यासाठी शेतकऱ्यांनी हमखास उत्पन्नाचा स्रोत (Agriculture Income) निर्माण करण्याची गरज आहे. शेतीपूरक व्यवसाय हा त्याकरिता योग्य पर्याय असल्याचे मत जिल्हा परिषदेचे मुख्य कार्यपालन अधिकारी रोहन घुगे यांनी केले.
केव्हीकेमध्ये आयोजित शेतकरी-शास्त्रज्ञ मंच सभा व ट्रायकोकार्ड उत्पादन (Trichocard Production) प्रशिक्षणाच्या उद्घाटनप्रसंगी ते बोलत होते.
शेतकरी-शास्त्रज्ञ मंच हा उपक्रम कुलगुरू डॉ. शरद गडाख यांच्या संकल्पनेनुसार राबविला जात आहे. विदर्भातील सर्वच केव्हीकेच्या माध्यमातून याची अंमलबजावणी केली जाणार आहे. या माध्यमातून शेतकऱ्यांना कोणत्या विषयाशी निगडित संशोधन अपेक्षित आहे.
त्याचा आढावा घेत त्यानुसार विद्यापीठस्तरावर संशोधनाची दिशा निश्‍चित केली जाणार आहे, अशी माहिती यावेळी केव्हीकेचे प्रमुख डॉ. जीवन कतोरे यांनी प्रास्ताविकातून दिली.
यावेळी व्यासपीठावर जिल्हा अधिक्षक कृषी अधिकारी विद्या मानकर, डॉ. नागनाथ जंगवाड, दिलीप पोहणे यांची उपस्थिती होती. डॉ. विद्या मानकर यांनी सध्या रेशीम शेती हा उत्पन्नाचा सक्षम पर्याय ठरत असल्याचे सांगितले.
अनेक शेतकऱ्यांच्या जीवनात रेशीम शेतीमुळे समृद्धी आली आहे. जिल्ह्याच्या काही भागात शेतकरी दुग्ध व्यवसायातून आर्थिक सक्षम झाले आहेत. इतर शेतकऱ्यांनी देखील अशाप्रकारचे पर्याय निवडीत आर्थिकदृष्टया स्वावलंबी होण्याकडे वाटचाल करावी, असे त्यांनी सांगितले.
डॉ. नीलेश वझिरे यांनी ट्रायकोकार्ड उत्पादनाविषयी माहिती दिली. सूत्रसंचालन डॉ. अंकिता अंगाईतकर यांनी केले. डॉ. रूपेश झाडोदे यांनी आभार मानले.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
