Animal Care फुलवडे, जि. पुणे ः आंबेगाव तालुक्यातील पाटण येथील पशुवैद्यकीय दवाखान्यांतर्गत कुशिरे हे गाव कामधेनू दत्तक ग्राम योजनेअंतर्गत (Village Adopation Scheme) दत्तक घेण्यात आले असून, या अंतर्गत बुधवारी (ता. २२) पशुपालकांसाठी मार्गदर्शन शिबिर पार पडल्याची माहिती पशुधन विकास अधिकारी डॉ. पूजा बोंबले यांनी दिली.
गोपूजनाने शिबिराचा प्रारंभ झाला. शिबिरात जंत, गोचीड निर्मूलन, वंध्यत्व निवारण, रोग निदान, मलमूत्र सांडपाणी व्यवस्थापन, निकृष्ट चारा सकस करणे, उन्हाळ्यात भासणारी चाराटंचाई कशी दूर करता येईल. तसेच ॲझोला व हायड्रोपोनिक मका बनविण्याचे प्रात्यक्षिक दाखवून जंतुनाशक व गोचीडनाशक गोळ्या, औषधांचे वाटप करण्यात आले.
आंबेगावच्या पश्चिम भागातील पशुधन विकास अधिकारी डॉ. प्रशांत साळवे, डॉ. युवराज रघतवान, डॉ. मिलिंद भोईर, डॉ. रूपेश खामकर, डॉ. मधुकर सुरकुले, डॉ. संदीप हिंगे, डॉ. प्रशांत कर्डिले, डॉ. ओंकार दाते, डॉ. सचिन भोईर, प्रभाकर पन्हाळे, दत्ता मेचकर, सोपान मोरमारे, सुधीर लोहकरे, आश्विनी काळे यांनी पशुपालकांना मार्गदर्शन केले.
याप्रसंगी कुशिरेचे सरपंच चंद्रकांत भोईर, दिलीप मुदगुण, उपसरपंच अमोल दाते, ग्रामसेवक मंगेश केंगले, लाडबा देठे, हैबत धादवड, शिवाजी धादवड, दिनेश धादवड, चिंतामण दाते, ब्रह्मा हेमाडे, गणेश भोईर, सखुबाई दाते, मंगल दाते तसेच पशुपालक, ग्रामस्थ उपस्थित होते.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
