Rabi Season छत्रपती संभाजीनगर : रब्बी हंगामातील ज्वारीची (Rabi Jowar) जवळपास २५ ते ३० टक्के क्षेत्रावरील पिकांची काढणी (Jowar Harvesting) व मळणीची कामे सुरू आहेत.
छत्रपती संभाजीनगर कृषी विभागातील छत्रपती संभाजीनगर, जालना व बीड या तीन जिल्ह्यातील रब्बी ज्वारी पिकाखालील (Jowar Crop) सर्वसाधारण क्षेत्र ३ लाख २ हजार १३८ हेक्टर होते.
प्रत्यक्षात २ लाख ४४ हजार ५९९ हेक्टर क्षेत्रावर रब्बी ज्वारीची पेरणी झाली होती. सर्वसाधारण क्षेत्राच्या तुलनेत जवळपास ८० टक्के क्षेत्रावर पेरणी झालेले रब्बी ज्वारीचे पीक जवळपास पक्व झालेल्या अवस्थेत आहे.
गव्हाचे सर्वसाधारण क्षेत्र १ लाख ५७ हजार ११६ हेक्टर असताना प्रत्यक्षात २ लाख ५ हजार २१२ हेक्टरवर म्हणजे सर्वसाधारण क्षेत्राच्या तुलनेत १३० टक्के क्षेत्रावर गव्हाची पेरणी झाली होती.
काही ठिकाणी गहू पिकाची काढणी सुरू झाली असून पिकावर कीड व रोगाचा प्रादुर्भाव आढळून आलेला नाही. छत्रपती संभाजीनगर व जालना ही दोन जिल्हे मकाचे हब मानले जातात. या दोन जिल्ह्यांसह बीड मिळून तीन जिल्ह्यात रब्बी मकाचे सर्वसाधारण क्षेत्र ३८ हजार २४७ हेक्टर इतके आहे.
प्रत्यक्षात तीनही जिल्ह्यात ६२ हजार ९५९ हेक्टर क्षेत्रावर रब्बी मकाची पेरणी झाली होती. काही ठिकाणी कनसातील दाणे भरण्याच्या अवस्थेत व काही ठिकाणी पक्व होण्याच्या अवस्थेत मका पीक आहे. जवळपास दहा ते पंधरा टक्के क्षेत्रावरील मका पिकाची काढणी सुरू झाली आहे.
तीन जिल्ह्यात १३९ टक्के क्षेत्रावर हरभऱ्याची पेरणी...
हरभऱ्याचे तीनही जिल्ह्यात सर्वसाधारण क्षेत्र २ लाख ३६ हजार ८४१ हेक्टर असताना प्रत्यक्षात ३ लाख ३० हजार ५७५ हेक्टर क्षेत्रावर म्हणजे सरासरी क्षेत्राच्या १३९ टक्के क्षेत्रावर हरभऱ्याची पेरणी झाली होती. पेरणी झालेल्या क्षेत्रापैकी ७० ते ८० टक्के पिकाची काढणी व मळणीची कामे सुरू असल्याची माहिती कृषी विभागाच्या सूत्रांनी दिली.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
