Electricity : थकबाकी न भरल्यास कृषिपंपांची वीज तोडू

महावितरणच्या पिंपळनेर विभागात कोट्यवधी रुपयांची वीजदेयके थकीत आहेत.
Power Supply
Power SupplyAgrowon

म्हसदी, जि. धुळे : महावितरणच्या (Electricity) पिंपळनेर विभागात कोट्यवधी रुपयांची वीजदेयके थकीत आहेत. ग्राहकाभिमुख सुविधांसाठी वीजग्राहकांनी तत्काळ थकबाकी भरत कंपनीस सहकार्य करावे, असे आवाहन वितरण कंपनीचे पिंपळनेर विभागाचे उपकार्यकारी अभियंता दिनेश पवार यांनी केले. कृषिपंपांचे थकीत बिल वेळेत न भरल्यास वीजजोडणी (Power connection) तोडली जाईल, असा इशारा त्यांनी दिला.

Power Supply
Crop Insurance : पीकविम्याचे १२०० कोटी लवकरच मिळणार

‌‌वी‌जबिल वसुलीचे उद्दिष्ट पूर्ण न केल्याने महावितरणचे सरव्यवस्थापकीय संचालक चंद्रकांत डांगे यांनी बैठकीत वीज वितरणच्या अभियंता व कर्मचाऱ्यांना ‘खडेबोल’ सुनावत वसुली करता येत नसेल, तर थेट घरी बसा, असा इशारा दिला आहे. यानंतर खडबडून जागे झालेल्या अभियंता, कर्मचाऱ्यांनी वीजदेयक वसुलीचा धडाका लावला आहे.

एकट्या पिंपळनेर विभागात सर्वच प्रकारच्या वीजग्राहकांकडे तब्बल १८६ कोटी थकबाकी आहे. दोन महिन्यांपूर्वी महावितरणाच्या अभियंत्यांची वीजबिल वसुलीसाठी बैठक झाली. बैठकीत उद्दिष्ट‌ पूर्ण करण्याच्या कडक सूचनाही देण्यात आल्या. कृषिपंप असो वा घरगुती ग्राहक थकबाकीदारांचा थेट वीजपुरवठा खंडित करा, अशा सूचना डांगे यांनी दिल्या.

‘थकीत वीजबिल भरा’

पिंपळनेर विभागाचे उपकार्यकारी अभियंता दिनेश पवार यांनी पिंपळनेर मंडळातील थकबाकीदार ग्राहकांना थकीत बिल भरण्याचे आवाहन केले आहे. महावितरणचा घरगुती ग्राहक असो किंवा कृषिपंपधारक प्रत्येक थकबाकीदार ग्राहकाने नियमानुसार वीजबिल भरावे.

नोटिसा देऊनही वीजबिल भरत नसतील तर अशा ग्राहकांचा थेट वीजपुरवठा खंडित करावी लागेल. महावितरण कंपनी‌ खासगी कंपन्यांकडून वीज खरेदी करूनच ग्राहकांना वीजपुरवठा पुरविते. वेळेवर वीजबिल भरावे, असे आवाहन त्यांनी केले.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com