Farm Implements : शेती अवजारांसाठी त्वरित अर्थसाह्य द्यावे

आदिवासी विभागांतर्गत २०१८-१९ या वर्षासाठी शेतकऱ्यांना शेती अवजारांसाठी अर्थसाह्य मंजूर निधी लाभार्थी शेतकऱ्यांना त्वरित मिळावा यासाठी बिरसा फायटर्सतर्फे प्रकल्पाधिकारी मंदार पत्की यांना निवेदन देण्यात आले.
Farmer Help
Farmer Help Agrowon

तळोदा, जि. नंदुरबार ः आदिवासी विभागांतर्गत २०१८-१९ या वर्षासाठी शेतकऱ्यांना (Farmer) शेती अवजारांसाठी (Farm Implements) अर्थसाह्य मंजूर निधी लाभार्थी शेतकऱ्यांना त्वरित मिळावा यासाठी बिरसा फायटर्सतर्फे प्रकल्पाधिकारी मंदार पत्की यांना निवेदन देण्यात आले.

Farmer Help
Sugar Export : साखर कराराबरोबर पाठवणीलाही वेग

निवेदनात म्हटले, की आदिवासी शेतकऱ्यांना शेती अवजारांसाठी अर्थसाह्य योजना मंजूर करण्यात आली होती. या योजनेसाठी तळोदा प्रकल्पांतर्गत येणाऱ्या तळोदा तालुक्यातील २७, अक्कलकुवा तालुक्यातील ४७, धडगाव तालुक्यातील ४२ अशी एकूण ११६ लाभार्थ्यांची निवड करण्यात आली होती.

Farmer Help
Rabbi Sowing : रब्बी पेरणी का पडतेय लांबणीवर ? | ॲग्रोवन

दरम्यान, या लाभार्थ्यांसाठी ३५ लाख रुपये इतका निधी उपलब्ध आहे; परंतु अद्यापही निवड झालेल्या लाभार्थ्यांना लाभ देण्यास प्रशासन टाळाटाळ करीत आहे. शेतकऱ्यांना मुद्दाम लाभापासून वंचित ठेवले जात आहे. लाभार्थ्यांची प्रकल्पांतर्गत निवड होऊन तीन वर्षे झाली आहेत. तसेच निधी देण्याबाबतचे आदेश देऊन त्यास आठ महिने उलटले तरीदेखील शेतकऱ्यांना अर्थसहाय्य मिळालेले नाही.

शेतकऱ्यांना किमान शेती अवजारे खरेदी करून मिळावीत. आदिवासींच्या विविध योजना कागदोपत्री न राबविता, पारदर्शकपणे राबवाव्यात. निवड झालेल्या ११६ पात्र लाभार्थ्यांना शेती अवजारे खरेदी करून मिळावीत, अन्यथा लाभार्थी शेतकऱ्यांसह बिरसा फायटर्सतर्फे तीव्र आंदोलन करण्यात येईल. निवेदनावर बिरसा फायटर्सचे राज्य महासचिव राजेंद्र पाडवी आदींच्या सह्या आहेत.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com