Water Level : मराठवाड्यात भूजल पातळी सर्वच तालुक्यांत वाढली

यंदा सप्टेंबरअखेर मराठवाड्यातील आठही जिल्ह्यांतील ७६ तालुक्यांतील भूजल पातळीचे निरीक्षण घेण्यात आले.
Ground Water Level Monitoring
Ground Water Level Monitoring Agrowon

औरंगाबाद : यंदा सप्टेंबरअखेर मराठवाड्यातील आठही जिल्ह्यांतील ७६ तालुक्यांतील भूजल पातळीचे निरीक्षण (Ground Water Level Monitoring) घेण्यात आले. त्यासाठी ८७५ विहिरींच्या पातळीचे निरीक्षण करण्यात आले. या सर्वच तालुक्यांतील भूजल पातळीत कमी अधिक प्रमाणात वाढ झाल्याची स्थिती आहे.

औरंगाबाद जिल्ह्यातील ९, जालनामधील ८, परभणीतील ९, हिंगोलीतील ५, नांदेडमधील १६, लातूरमधील १०, उस्मानाबादमधील ८ व बीडमधील ११ मिळून ७६ तालुक्यांतील ८७५ विहिरींचे सप्टेंबरअखेर भूजल सर्वेक्षण यंत्रणेच्या वतीने निरीक्षण घेण्यात आले. निरीक्षण घेण्यात आलेल्या विहिरींमध्ये औरंगाबादमधील १४१, जालनातील ११०, परभणीतील ८६, हिंगोलीतील ५५, नांदेडमधील १३४, लातूरमधील १०९, उस्मानाबादमधील ११४ व बीड मधील १२६ विहिरींचा समावेश आहे.

Ground Water Level Monitoring
Sugar Cane Management : उसासाठी पाणी व्यवस्थापन तंत्र

औरंगाबाद जिल्ह्यातील भूजल पातळीत सरासरी १.६० मीटर, जालना जिल्ह्यातील भूजल पातळीत सरासरी १.१८ मीटर, परभणी जिल्ह्यातील भूजल पातळीत सरासरी ३.२२, मीटर हिंगोली जिल्ह्यातील भूजल पातळीत सरासरी ०.७५ मीटर, नांदेड जिल्ह्यातील भूजल पातळीत सरासरी २.१७ मीटर, लातूर जिल्ह्यातील भूजल पातळीत सरासरी १.३५ मीटर, उस्मानाबाद जिल्ह्यातील भूजल पातळीत सरासरी १.६९ मीटर, तर बीड जिल्ह्यातील भूजल पातळीत सरासरी १.६२ मीटर वाढ झाली.

कमी अधिक प्रमाणात वाढ

औरंगाबाद, जालना, हिंगोली, लातूर, उस्मानाबाद व बीड या ६ जिल्ह्यांतील १५ तालुक्यांमधील भूजल पातळीत एक मीटरच्या आत वाढ झाली आहे. परभणी, नांदेड या दोन्ही जिल्ह्यांतील २५ तालुक्यांमधील भूजल पातळीत एक मीटरपेक्षा जास्त वाढ झाली आहे. याशिवाय इतर सहा जिल्ह्यांतील २१ तालुक्यांतही भूजल पातळीत एक मीटरपेक्षा जास्त वाढ झाली असल्याची माहिती भूजल सर्वेक्षण यंत्रणेच्या सूत्रांनी दिली.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com