Crop Damage Compensation : मंत्रिमंडळ उपसमितीच्या बैठकीअभावी मदतच मिळेना

सततच्या पावसामुळे झालेल्या नुकसानीचे पंचनामे आणि मदतीचे प्रस्ताव सरकारकडे पाठवूनही केवळ मंत्रिमंडळ उपसमितीची बैठक न झाल्याने शेतकरी मदतीपासून वंचित आहेत.
Crop Insurance
Crop InsuranceAgrowon

मुंबई : सततच्या पावसामुळे (Heavy Rain) झालेल्या नुकसानीचे पंचनामे (Crop Damage Survey) आणि मदतीचे प्रस्ताव सरकारकडे पाठवूनही केवळ मंत्रिमंडळ उपसमितीची बैठक न झाल्याने शेतकरी मदतीपासून (Crop Damage Compensation) वंचित आहेत. त्यामुळे तातडीने बैठक घेऊन शेतकऱ्यांना मदत द्यावी, अशी मागणी उस्मानाबादचे आमदार कैलास पाटील यांनी मुख्यमंत्री एकनाथ शिंदे यांच्याकडे केली आहे.

Crop Insurance
Sugar Market : कारखान्यांनी मोडले साखर विक्रीचे करार

दरम्यान, पाटील यांनी मुख्यमंत्र्यांना निवेदन दिले आहे. मंत्रिमंडळ उपसमितीच्या बैठकीला मुख्यमंत्री शिंदे यांना वेळ नसल्याची टीका त्यांनी केली आहे. मुख्यमंत्र्यांना दिलेल्या पत्रानुसार, उस्मानाबाद जिल्ह्यात सप्टेंबर, ऑक्टोबर मध्ये सततच्या पावसामुळे सोयाबीनचे मोठे नुकसान झाले. जिल्ह्यातील एकूण एक लाख ९९ हजार ९०७ शेतकऱ्यांचे एक लाख ६३ हजार ६९८ हेक्टर क्षेत्र बाधित झाले. त्यासाठी २२२ कोटी, ७३ लाख रुपयांची आवश्यकता आहे.

Crop Insurance
Crop Damage : नुकसानीबाबत साडेचार लाख दावे

मदतीचा २२२ कोटींचा प्रस्ताव प्रलंबित

जिल्हाधिकाऱ्यांनी सततच्या पावसामुळे झालेल्या नुकसानीच्या मदतीसाठी २२२ कोटी, ७३ लाख एवढ्या रकमेचा प्रस्ताव विभागीय आयुक्तांकडे सादर केला होता. हा प्रस्ताव मदत व पुनर्वसन विभागास प्राप्त झाला. मात्र हा प्रस्ताव शासनाकडे प्रलंबित आहे. या प्रस्तावास मंजुरीसाठी मंत्रिमंडळ उपसमितीची बैठक आवश्यक आहे.

मात्र ही बैठक अजून आयोजित केलेली नाही. मुख्यमंत्री शिंदे यांनी बैठकीसाठी वेळ न दिल्यामुळे शेतकऱ्यांना मदत मिळण्यास विलंब होत आहे. बैठक लवकर घेऊन या प्रस्तावास तत्काळ मंजुरी देऊन शेतकऱ्यांना मदत द्यावी, असे पाटील पत्रात नमूद केले आहे.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com