वसंतदादा पाटील सहकारी साखर कारखान्यावर ‘प्राप्तिकर’चा छापा

देवळा तालुक्यातील विठेवाडी येथील धाराशिव साखर कारखाना लिमिटेड, युनिट-२ संचलित वसंतदादा पाटील सहकारी साखर कारखान्यावर प्राप्तिकर विभागाने गुरुवारी (ता. २५) छापा टाकला.
Sugar Factory
Sugar FactoryAgrowon

नाशिक : देवळा तालुक्यातील विठेवाडी येथील धाराशिव साखर कारखाना लिमिटेड (Dharashiv Sugar Factory), युनिट-२ संचलित वसंतदादा पाटील सहकारी साखर कारखान्यावर (Vasantdada Patil Sugar Factory) प्राप्तिकर विभागाने (Income Tax Raid) गुरुवारी (ता. २५) छापा टाकला. कारखाना स्थापनेपासून पहिल्यांदाच येथे प्राप्तिकर विभागाचा छापा पडल्याने तालुक्यात या कारवाईची चर्चा जोरात होत आहे.

Sugar Factory
Sugar : सणांमुळे देशांतर्गत बाजारात साखरेला मागणी वाढली

हा कारखाना २०१८-१९ पासून भाडेतत्त्वावर देण्यात आल्याने या कारखान्याला प्राप्तिकर विभागाला तोंड देण्याची वेळ आल्याने सभासदांसह कर्मचारी व कामगार वर्गाचे लक्ष लागून आहे. धाराशिव कारखान्याच्या व्यवस्थापन मंडळाने २५ वर्षांसाठी ‘वसाका’ कारखाना भाडेतत्त्वावर घेतला आहे. अभिजित पाटील हे समूहाचे अध्यक्ष आहेत.

Sugar Factory
Sugar Export : येत्या हंगामात साखर निर्यातीसाठी दोन टप्प्यांत परवानगी?

त्यांनी नुकताच ताब्यात घेतलेल्या साखर कारखाना, कार्यालय व घरावरही गुरुवारी (ता. २५) छापे पडले आहेत. सकाळी सहाच्या सुमारास दोन कारमधून काही अधिकारी ‘वसाका’ कार्यस्थळावर दाखल झाले होते. यावेळी अत्यंत गोपनीयता पाळली गेली. उपस्थित अधिकाऱ्यांनी सुरुवातीला लेखा विभागात चौकशीला सुरुवात केली होती.

शासनाचा कर थकविल्याची चर्चा

धाराशिव संचलित ‘वसाका’ ज्या दिवसापासून चालावयास घेतला तेव्हापासून तर मार्च-२०२२ पर्यंतचा थकीत आयकर, केंद्र व राज्य शासनाच्या विविध खरेदीवरील जीएसटी, अबकारी कर, कारखान्यातील कामगारांचा थकीत भविष्य निर्वाह निधीचा न झालेला भरणा, वेळोवेळी आयकर व भविष्यनिर्वाह निधी कार्यालयाकडून आलेल्या नोटिसा याकडे केलेलं दुर्लक्ष त्यामुळे थकलेल्या कोट्यवधी रुपयांच्या रकमा भरण्याबाबत केलेली टाळाटाळ या सर्व आर्थिक बाबी तपासल्या जात असल्याचे सूत्रांनी सांगितले.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com