Nursery Scheme : रोपवाटिका योजनेच्या अनुदानात वाढ

२२ ऑगस्टपासून पूर्वसंमती दिलेल्या शेतकऱ्यांना लागू राहणार
 Nursery Scheme
Nursery SchemeAgrowon


अमरावती ः पुण्यश्‍लोक अहिल्यादेवी होळकर रोपवाटिका (Nursery) योजनेच्या १.९० लाख रुपयांच्या अनुदानात ४८ हजारांनी वाढ करण्यात आली आहे. शेडनेट (Shednet) या घटकासाठी आता २.३८ लाख एवढे अनुदान मिळणार आहे. हे अनुदान २२ ऑगस्ट २०२२ पासून पूर्वसंमती दिलेल्या शेतकऱ्यांना लागू राहणार असल्याचे कृषी विभागाच्या (Agriculture Department) सूत्रांनी सांगितले.

 Nursery Scheme
Nursery Subsidy : रोपवाटिका अनुदानात वाढ

राष्ट्रीय कृषी विकास योजनेअंतर्गत भाजीपाला पिकांच्या दर्जेदार व कीडमुक्‍त रोपांच्या निर्मितीवर प्रोत्साहन देण्यात आले आहे. त्याच उद्देशाने अनुदान योजना राबविली जात आहे. यापूर्वी प्रति रोपवाटिकेसाठी ५.५५ ला रुपये खर्च ग्राह्य धरून ५० टक्‍के अनुदान देय होते. यातील शेडनेट या घटकाला प्रकल्प मूल्य ३.८० लाखांचे ५० टक्‍के म्हणजे १.९० लाख अनुदान देय होते.

शेडनेट उभारणीकरिता लागणारे साहित्य, वेल्डिंग, फॅब्रिकेशन, वाहतूक, मजुरी व स्टीलच्या दरात वाढ झाल्याने शेडनेटसाठी प्रकल्प मूल्यात ३.८० लाखांवरून ४.७५ लाखांपर्यंत वाढ करण्यात आली आहे. यासाठी शेतकऱ्यांना महाडिबीटी पोर्टलवर फलोत्पादन घटकासाठी अर्ज करावा लागणार असल्याचे सांगण्यात आले.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com