Weather Update : राज्यात पावसाची उघडीप शक्य

मध्य भारतातील कमी दाब क्षेत्र निवळल्यानंतर राज्यात पावसाचा जोर कमी झाला आहे. अनेक ठिकाणी पावसाने उघडीप दिल्याने उन्हाचा चटका आणि उकाड्यात वाढ झाली आहे.
Weather Update
Weather UpdateAgrowon

पुणे : मध्य भारतातील कमी दाब क्षेत्र निवळल्यानंतर राज्यात पावसाचा जोर (Rain Intensity) कमी झाला आहे. अनेक ठिकाणी पावसाने उघडीप दिल्याने उन्हाचा चटका (Temperature) आणि उकाड्यात (Heat) वाढ झाली आहे.

Weather Update
Rain Update : तुरळक ठिकाणी हलक्या सरी

आज (ता. २४) पूर्व विदर्भात विजांसह पावसाची शक्यता (Rain Forecast With Lightning) आहे. तर उर्वरित राज्यात ढगाळ हवामानासह पावसाची मुख्यतः उघडीप राहण्याचा अंदाज हवामान विभागाने (Weather Department) वर्तविला आहे.

मॉन्सूनने वायव्य भारतातून परतीचा प्रवास सुरू केला असून, मंगळवारी (ता. २०) राजस्थानच्या खाजूवाला, बिकानेर, जोधपूर, आणि गुजरातच्या नालिया पर्यंतच्या भागातून मॉन्सून परतला आहे.

Weather Update
Crop Damage Compensation : अतिवृष्टीचे १३० कोटी वितरित

परतीच्या प्रवासात कोणतीही वाटचाल न झाल्याने शुक्रवारी (ता. २३) मॉन्सूनच्या परतीची सीमा कायम होती. मध्य प्रदेश आणि परिसरावर चक्राकार वाऱ्यांची स्थिती आहे. बंगालच्या उपसागरापासून या प्रणाली पर्यंत हवेचा कमी दाबाचा पट्टा कायम आहे.

राज्यात ढगाळ वातावरण असून, कमाल तापमान आणि उकाड्यात वाढ होत आहे. आज (ता. २४) पूर्व विदर्भात विजांसह पावसाचा इशारा (येलो अलर्ट) देण्यात आला आहे. तर उर्वरित राज्यात आकाश ढगाळ राहून, मुख्यतः कोरड्या हवामानाचा अंदाज आहे. तुरळक ठिकाणी हलक्या पावसाची शक्यताही वर्तविण्यात आली आहे.

विजांसह पावसाचा इशारा (येलो अलर्ट) :

विदर्भ : अमरावती, वर्धा, नागपूर, चंद्रपूर, गोंदिया, भंडारा, गडचिरोली.

शुक्रवारी (ता. २३) सकाळपर्यंतच्या २४ तासांमध्ये राज्यात विविध ठिकाणी पडलेला पाऊस, मिलीमीटरमध्ये (स्रोत : हवामान विभाग) :

कोकण : उल्हासनगर, माथेरान, ठाणे, डहाणू, तळा, तलासरी, भिवंडी, शहापूर, श्रीवर्धन, अंबरनाथ, पनवेल, माणगाव, वसई प्रत्येकी १०.

मध्य महाराष्ट्र : चाळीसगाव, इगतपूरी प्रत्येकी १०.

मराठवाडा : लातूर, बिलोली प्रत्येकी ३०, कन्नड, परळी वैजनाथ, अंबेजोगाई प्रत्येकी २०, शिरूर कासार, केज प्रत्येकी १०.

विदर्भ : सिरोंचा ६०, भामरागड ४०, लाखणी, कुही, साकोली प्रत्येकी २०, तुमसर, रामटेक, सेलू, मोहाडी, सावनेर, कामठी प्रत्येकी १०.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com