Milk Prices : मदर डेअरीकडून दुधाच्या विक्री दरात वाढ

मदर डेअरीने आता दूध दरात वाढ केली आहे. दूध उत्पादक शेतकऱ्यांकडून जे दूध संकलन केलं जातं त्याच्या खरेदी खर्चात वाढ झाल्यामुळे दरवाढ केल्याचं मदर डेअरीचं म्हणणं आहे.
Milk Prices
Milk PricesAgrowon

मदर डेअरीने (Mother Dairy)आता दूध दरात वाढ केली आहे. दूध उत्पादक शेतकऱ्यांकडून जे दूध संकलन केलं जातं त्याच्या खरेदी खर्चात वाढ  झाल्यामुळे दरवाढ केल्याचं मदर डेअरीचं म्हणणं आहे.

दिल्ली-एनसीआर परिसरात मदर डेअरीच्या एक लिटर फुल क्रीम दुधासाठी एक रुपया जास्तीचा मोजावा लागणार आहे. मदर डेअरी ही दिल्ली-एनसीआर भागात दूध पुरवठा करणारी मोठी कंपनी आहे. ही कंपनी दररोज ३० लाख लिटरहून अधिक दुधाचा पुरवठा करते. विशेष म्हणजे मदर डेअरीने यंदा चौथ्यांदा दुधाच्या दरात वाढ करण्याचा निर्णय घेतला आहे.

Milk Prices
अमूल दुधाच्या विक्री दरात २ रुपयांची वाढ

मदर डेअरीचे म्हणणं आहे की, पशुखाद्याच्या किमती वाढल्यामुळे शेतकऱ्यांना दुभत्या जनावरांवर जास्त खर्च करावा लागतो. त्यामुळे कंपनीला शेतकऱ्यांकडून जास्त दर देऊन दूध विकत घ्यावं लागतं. त्याचवेळी, मदर डेअरीने असंही म्हटलंय की, ग्राहकांकडून मिळणारा ७५ ते ८० टक्के भाग दूध उत्पादकांना दिला जातो. अशा स्थितीत दुधाचे दर वाढल्याने शेतकऱ्यांचाच फायदा होणार आहे.

यापूर्वी कंपनीने ऑक्टोबरमध्ये दुधाच्या दरात प्रति लिटर दोन रूपयांची वाढ केली होती. मदर डेअरीपाठोपाठ अमूलनेही दुधाच्या दरात दोन रूपयांची वाढ केली होती. 

Milk Prices
Milk Rate : ‘अमूल, मदर डेअरीकडून दूध विक्री दरात दोन रुपयांची वाढ

६४ रुपये प्रतिलिटर दराने विक्री

कंपनीच्या प्रवक्त्याने सांगितलं की, मदर डेअरीने फुल क्रीम दुधाची किंमत एक रुपयाने वाढवून ६४ रुपये प्रति लिटर केली आहे. मात्र, कंपनीने ५०० मिली पॅकमध्ये विकल्या जाणाऱ्या फुल क्रीम दुधाच्या किमतीत बदल केलेला नाही. त्याचवेळी, टोकन मिल्क (मोठ्या प्रमाणात विकले जाणारे दूध) सोमवारपासून ४८ रुपयांऐवजी ५० रुपये प्रति लिटरने विकले जाईल.

मदर डेअरीच्या प्रवक्त्याने सांगितले की, यावर्षी संपूर्ण डेअरी उद्योगात दुधाची मागणी आणि पुरवठ्यात मोठी तफावत दिसून येत आहे. चाऱ्याची किंमत जास्त असल्याने दूध संघालाही शेतकऱ्यांकडून चढ्या दराने दूध खरेदी करावे लागत आहे. याशिवाय प्रक्रिया केलेल्या दुधाची मागणी वाढली आहे. सणासुदीच्या हंगामानंतरही मागणी-पुरवठ्यात तफावत राहिल्याने दुधाचे भाव आणखी वाढलेत.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com